MASMUR 132:11 - BIBEL JAMITA NA DENGGAN

¹¹ Mardongan sumpa do dijanjihon Ho tu si Daud, jana nada tarihonMu be janjiMi mangulahi. NingMu do, “Sada sian anakmu baenonKu gabe raja; ia ma manggontihon ho marhabangsa.

MASMUR 132:11 ပူးပေါင်းရင်းမြစ်များ

2 SAMUEL 7:12

Tu joloan on, muda dapot ma ajalmu, jana ditanom ho di inganan ni ompumu, angkatonKu do sada sian anakmi na gabe raja.

2 SAMUEL 7:14

Gabe Amangnia ma Au, jana gabe anakKu ma ia. Muda marsala ia, uhumonKu ma ia songon sada ama na manguhum anakna.

2 SAMUEL 7:16

Angkon tongtong do adong pomparanmu, jana baenonKu harajaanmu martahan salolot-lolotna. Na so ra marujung do harajaanmu?’ ”

1 RAJA-RAJA 1:48

lalu martangiang, ‘Puji-pujian ma di Tuhan Debata na nisomba ni halak Israel. Sadari on madung huangkat sahalak sian pomparanku gabe raja manggontihon au. Jana dipaloas Ho dope au mangolu anso tarsaksihon au i!’ ”

1 RAJA-RAJA 8:25

Madung dijanjihon Ho muse tu damang muda dihaburjuhon pomparanna do mangoloi Ho laing songon ia, gabe tongtong ma adong sahalak sian pomparannia na gabe raja di Israel. Saonnari ale Tuhan Debata ni Israel hupangido tu Ho, anso patulusonMu nian na nijanjihonMu tu damang si Daud naposoMi.”

2 JUJUR TAON 6:16

Laing dijanjihon Ho muse do tu damang, muda tutu do antong setia pomparannia mangoloi uhumMu laing songon ia i, gabe sai adong ma sada nian pomparannia na gabe raja di Israel. Saonnari ale Tuhan, Debata ni Israel, pangidoanku anso nian laing patulusonMu muse sudena na nijanjihonMu tu damang si Daud i.”

2 JUJUR TAON 7:18

gabe patulusonKu ma janjingKi na tu amangmu si Daud i bahaso na sai tongtong adong sada sian pomparannia na gabe raja di Israel.

MASMUR 110:4

Madung marsumpa Tuhan, nada tarihonNia be mangulahi, “Ho do malim salolot-lolotna, mangihutkon aturan ni si Melkisedek.”

MASMUR 89:33

Tapi anggo si Daud hot do holong ni rohangKu tusi, janjingKu na tusia sai na patulusonKu do i.

MASMUR 89:35

Sanoli do Au marsumpa mangasahon goarKu na badia; nada margabus Au tu si Daud.

MASMUR 89:37

Tohong do harajaannia salolot-lolotna songon bulan, saksi na bonar di awang-awang.”

MASMUR 89:5

Ale Tuhan, dipuji na marlagut di banua ginjang i do karejoMu na godang i, hasetiaonMu diendehon angka pardibanua ginjang.

BILANGAN 23:19

Nada dos Debata dohot jolma na ringgas margabus, na momo muba pikiranna. Muda dung Dijanjihon Debata, sudena pasti Dipatulussa! Muda Ia mangkuling, sude angkon tarjadi!

LUKAS 1:32

Gabe magodang ma Ia jana digoari ma Ia Anak Ni Debata Na Gumincat. Gabe raja ma Ia baenon ni Debata songon si Daud ompuNa i.

BAENON NI ANGKA RASUL 2:30

Madung dijanjihon Debata tu si Daud mardongan sumpa paboa na adong sahalak sian pomparan ni si Daud baenon ni Debata gabe raja. Hara ni na dung diboto si Daud janji i boti hara ni panurirang do ia,

IBRANI 6:18

Dua pangalaho na so ra muba; nada margabus Debata di janji dohot sumpaNia! Hara ni i, hita angka na marlinggom tu Debata, adong do di hita jaminan na togu anso tongtong mararop ni roha tu na nipasingkop di hita di hatiha na giot ro.

1 SAMUEL 15:29

Nada margabus bope nada muba muse roha ni Na Marmulia Debata ni Israel, angke nada jolma Ia.”