MASMUR 132:10 - BIBEL JAMITA NA DENGGAN

¹⁰ Madung dijanjihon Ho tu si Daud, naposoMi; ale Tuhan, ulang tulak raja na nitodoMi.

MASMUR 132:10 ပူးပေါင်းရင်းမြစ်များ

1 RAJA-RAJA 11:34

Tapi haru songon i pe, nada sude harajaan i buatonKu sian ia; padiaronKu dope ia markuaso salolot ngolunia. Songon i ma baenonKu hara ni naposongKu si Daud na dung Hutodo i jana na mangihutkon angka uhumKu bope na mangoloi angka na Huparentahon.

2 RAJA-RAJA 19:34

AbarahononKu ma Jerusalem jana ondihononku, hara ni sangap na tu Au sandiri boti hara ni parjanjianKu sandiri tu naposongKu si Daud.’ ”

2 RAJA-RAJA 8:19

Tapi nada ra Tuhan mambaen marmara Juda hara ni na dung dijanjihonNia humani tu si Daud naposoNia i, na manongtong do anggo pomparannia gabe raja.

2 JUJUR TAON 6:42

Ale Tuhan Debata, ulang ma tulak tangiang ni raja na nipiliMon. Ingot ma holong ni rohaMu tu si Daud naposoMi.”

MASMUR 144:10

Dilehen Ho do hamonangan di angka raja, jana di si Daud naposoMu dilehen Ho do haluaan.

MASMUR 84:10

Dumenggan do sadari di BagasMu, ulang pado saribu ari di inganan na asing. Dumenggan do jongjong di horbangan ni Bagas Ni Debatangku, ulang pado tinggal di bagas ni halak na jahat.

MASMUR 84:9

Ligi ma parincenami, ale Debata, ligi ma bohi ni na nitodoMu sandiri.

HOSEA 3:5

Tapi ro do i hatihana mulak bangso Israel tu Tuhan Debata ni halahi dohot tu raja ni halahi na sian pomparan ni si Daud. Jadi gabe mabiar ma halahi jana marhabiaran tu Tuhan boti jagiton ni halahi ma angka pasupasuNa.