MASMUR 131:2 - BIBEL JAMITA NA DENGGAN

² Ma puas do rohangku jana sonang, songon dakdanak na puas manyusu, sonang tarpodom di ampuan ni inana, songon i ma sonang ni rohangku.

MASMUR 131:2 ပူးပေါင်းရင်းမြစ်များ

MASMUR 42:11

Biasi marsak jana susa ho rohangku? Tu Debata noma au mararop roha, jana mandok tarimakasi mangulahi tuSia, tu Debatangku jana Sipalua di au.

MASMUR 42:5

Biasi marsak au jana susa rohangki? Tu Debata noma au mararop roha, jana mandok tarimakasi tuSia, tu Debatangku jana Sipalua au.

MASMUR 43:5

Biasi marsak jana susa ho rohangku? Mararop ni roha tu Debata noma au jana mandok tarimakasi tuSia, tu Debatangku jana Sipalua di au.

MASMUR 62:1

Hupainte Debata, di bagasan sada ni rohangku, hum sian Ia sajo do haluaanku.

JESAYA 30:15

Tuhan Debata, Debata Na Badia ni Israel, mandok tu bangsoNia, “Manopoti sala ma hamu tu Au, gabe paluaonKu ma hamu. Haporsayai hamu ma Au di bagasan roha na sonang, gabe pargogoanKu ma hamu.”

ANDUNG 3:26

Antong, painte ma di bagasan sonang lopus ro Tuhan mangalehen partolongan.

MARKUS 10:15

Tutu do na Hudok on! Sanga ise na so manjagit Harajaan Ni Debata songon panjagit ni sada dakdanak, inda tarbaen halahi gabe anggota ni Harajaan Ni Debata i.”

LUKAS 21:19

Muda martahan hamu jana sobar, dapotan ngolu ma hamu.”

1 KORINTUS 14:20

Hamu ale angka dongan! Ulang ma songon dakdanak parrohaonmunu. Taringot tu hajahatan, sugari laing tong ma hamu songon dakdanak na menek. Tapi anggo diparrohaon, gabe songon halak na dung impas godang ma hamu.

1 SAMUEL 24:10

Manaili ma si Saul tu pudi jana tungkap ma si Daud mamparsangapi lalu didok ia, “Biasi ditangihon raja i hata-hata ni halak na mandok na giot agoonku raja i?

1 SAMUEL 30:6

Giot marmara tutu do si Daud, dibaen sun do marsakna parangan ni si Daud i hara ni na agoan anak dohot dadaboru. Jadi gabe giot didangguri halahi do si Daud dohot batu. Jadi targogot situtu ma si Daud, tapi laing dipatogu Tuhan Debatania mangulahi rohania.