MASMUR 130:7 - BIBEL JAMITA NA DENGGAN

⁷ Mararop roha tu Tuhan ma hamu, o hamu bangsoNa angke sai dihaholongi Ia do hita, jana hobas do Ia paluahon hita.

MASMUR 130:7 ပူးပေါင်းရင်းမြစ်များ

MASMUR 130:4

Hape diampuni Ho do hami, diarop rohangku do janjiNa.

MASMUR 131:1

Nada ginjang rohangku ale Tuhan nada gakgak muse au. Nada hulojai diringku dohot angka pangalaho na godang sanga dohot angka parkaro na borat.

MASMUR 131:3

Tu Tuhan ma hamu mararop roha, o hamu Israel, saonnari ro di salolot ni lolotna.

MASMUR 40:3

Diajari Ia do au mangendehon logu na imbaru, logu na mamuji Debatanta. Bahat do halak midasa jana gabe mabiar, gabe manghaporsayai Tuhan.

MASMUR 71:5

Ale Tuhan, hum Ho noma arop ni rohangku, tu Ho sajo do au porsaya mamungka sian haposoonku ale Debata.

MASMUR 86:15

Tapi anggo Ho, ale Tuhan, Debata parholong do Ho jana pardenggan basa. Holong ni rohaMu na manongtong i maradu marlobian parsobar do Ho jana tongtong haposan.

MASMUR 86:5

Angke na burju do Ho ale Tuhan, jana sai mangampuni do Ho sanga ise na martangiang tu Ho sai dihaholongi Ho do.

JESAYA 55:7

Sai dipauba parjahat ma ngoluna, jana dipadenggan ma rohana. Sai mulak ma ia tu Tuhan Debata, angke paribo roha do Ia jana manigor do ampunanNa ia.

ZEPANYA 3:12

PadiaronKu ma disi maringanan tongtong sada bangso na toruk roha, na ro tu Au mangido pangurupi. Tola ma halahi maringanan disi.

LUKAS 14:22

Didok naposo i ma, ‘Madung nipalalu parenta ni tuan i, tapi laing bahat dope inganan na so marisi.’

SURAT NI SI PAULUS TU PARLAGUTAN ROM 8:24

Angke madung dipalua hita, haru pe laing di bagasan arop ni roha. Tapi muda dung taida na niarop ni rohanta i, nada arop ni roha be na songon i. Harana, ise ma he na sai mararop ni roha tu na dung niidana?

IBRANI 10:35

Jadi hara ni i, ulang mandele hamu, angke muda togu do haporsayaanmunu, adong do upa na godang disi!

HALUMBAAN 5:9

Dung i diendehon halahi ma sada logu na imbaru: “Hum Ho sajo do na patut mambuat buku on dohot mambuka angka capna i. Angke madung hona bunu Ho, jana hara ni hamamateMi madung ditobus Ho jolma tu Debata sian sandok marga, hata, negara, dohot bangso.