MASMUR 130:5 - BIBEL JAMITA NA DENGGAN

⁵ Sai tarpainte do au di pangurupion ni Tuhan, jana tu hataNia do au marhaposan.

MASMUR 130:5 ပူးပေါင်းရင်းမြစ်များ

PAMUNGKAAN 49:18

O Tuhan, hum haluaan na sian Ho do na hupainte-inte.

MASMUR 119:114

Ho do pangondian dohot parlindunganku, marsitiopan tu baga-bagaMu do au.

MASMUR 119:42

Jadi gabe taralusi au ma angka na palayas au, angke mangasahon hataMu do au.

MASMUR 119:49

Ingot ma janjiMu tu au, naposoMon, janji na mangalehen arop ni roha di au on.

MASMUR 119:74

Angka na mabiar mida Ho sonang rohana muda diidasa au, angke marpos ni roha tu janjiMu do au.

MASMUR 119:81

Malungun situtu do rohangku di haluaan na sian Ho, ale Tuhan, janjiMu do na huhaposi.

MASMUR 27:14

Mararop roha tu Tuhan ma da, haporsayai ma, ulang padele roha. Tu Tuhan ma mararop roha.

MASMUR 33:20

Jadi mararop roha tu Tuhan noma hita, Ia do pangurupi dohot na mambela hita.

MASMUR 40:1

Sobar do au paintehon pangurupi ni Tuhan; ditangihon jana diparrohahon Ia do pio-piongku.

MASMUR 62:1

Hupainte Debata, di bagasan sada ni rohangku, hum sian Ia sajo do haluaanku.

MASMUR 62:5

Hupasada do rohangku paintehon Debata, hum tuSia do au mararop roha.

JESAYA 26:8

Hami patulus do giotMu, ale Tuhan, hum Ho sajo do haposannami dohot lungun ni rohanami.

JESAYA 30:18

Haru pe songon i, laing dipainte Tuhan dope hatihana laho patuduhon tu hamu ibo ni rohaNia. Rade do Ia laho maribo ni roha tu hamu, angke Tuhan i do Debata na tigor. Martua do na marpos ni roha tuSia.

JESAYA 8:17

Madung ditabunihon Tuhan diriNa maradopkon bangsoNia, tapi anggo au porsaya jana mararop roha do tuSia.

LUKAS 2:25

Jadi di hatiha i adong ma sahalak di Jerusalem na margoar si Simeon. Halak na burju do ia, na mabiar tu Debata jana na sai paintehon hatihana paluaon ni Debata halak Israel. Didongani Tondi Parbadia do ia.

LUKAS 2:38

Topet ma hatiha i laing ro ia mamuji Debata bope mangkobari taringot tu Dakdanak i tu sude halak na sai painte-intehon sanga andigan hatihana paluaon ni Debata Jerusalem.

IBRANI 6:18

Dua pangalaho na so ra muba; nada margabus Debata di janji dohot sumpaNia! Hara ni i, hita angka na marlinggom tu Debata, adong do di hita jaminan na togu anso tongtong mararop ni roha tu na nipasingkop di hita di hatiha na giot ro.