MASMUR 130:4 - BIBEL JAMITA NA DENGGAN

⁴ Hape diampuni Ho do hami, diarop rohangku do janjiNa.

MASMUR 130:4 ပူးပေါင်းရင်းမြစ်များ

2 SAMUEL 12:13

Dung i didok si Daud ma tu si Natan, “Madung mardosa au maradopkon Tuhan.” Dialusi si Natan ma, “Madung diampuni Tuhan raja i; jadi nada jabat mate be raja i.

JOB 22:23

Mulak ma ho tu Tuhan di bagasan serep ni roha; antak ma da antong di bagasmu hajahatan.

MASMUR 25:11

Tuhan, songon janjiMi ampuni ma au, angke bahat situtu do dosangku.

MASMUR 86:5

Angke na burju do Ho ale Tuhan, jana sai mangampuni do Ho sanga ise na martangiang tu Ho sai dihaholongi Ho do.

JESAYA 1:18

Ninna Tuhan do: “Ro ma hamu anso tapadenggan. Haru pe rara dosamu songon kirmisi, ias do baenonKu songon itak, haru pe rara songon hasumba, bontar do baenonKu songon hapas.

JESAYA 55:7

Sai dipauba parjahat ma ngoluna, jana dipadenggan ma rohana. Sai mulak ma ia tu Tuhan Debata, angke paribo roha do Ia jana manigor do ampunanNa ia.

JEREMIA 31:34

Sahalak pe sian halahi nada porlu be mangajari donganna laho mananda Tuhan. Angke sude halahi, na menek sanga na magodang, tandaonna ma Au. HalupahononKu ma angka hasalaan ni halahi, jana Huampuni angka dosa ni halahi. Au Tuhan, madung mandok songon i.”

DANIEL 9:9

Gok di Ho hasesaan ni dosa dohot asi ni roha haru pe madung mangalo hami tu Ho.

HOSEA 3:5

Tapi ro do i hatihana mulak bangso Israel tu Tuhan Debata ni halahi dohot tu raja ni halahi na sian pomparan ni si Daud. Jadi gabe mabiar ma halahi jana marhabiaran tu Tuhan boti jagiton ni halahi ma angka pasupasuNa.

BAENON NI ANGKA RASUL 9:31

Jadi sonang ma angka parlagutan na di Judea, na di Galilea dohot na di Samaria. Boti hara ni pangurupi ni Tondi Parbadia gabe mur martamba ma angka parlagutan i, angke sai mabiar do halahi tu Tuhan di ngolu ni halahi.

SURAT NI SI PAULUS TU PARLAGUTAN ROM 8:1

Saonnari nada adong be siuhumon di halak na mangolu di bagasan Kristus Jesus.

2 KORINTUS 5:19

Markite-hite Kristus dibaen Debata do lopus mardenggan nian jolma na satano on dohot Debata. Nada dijujur Debata be angka hasalaan na nibaen ni jolma i tuSia, jana hami madung disuru Debata pabolkaskon barita pardengganan i.

EPESUS 1:7

Angke di bagasan Ia, dapotan haluaan do hita markite-hite mudarNia, i ma hasesaan ni dosa mangihutkon godang ni asi ni rohaNia,

KOLOSSE 1:14

Di bagasan Ia do adong di hita haluaan, i ma hasesaan ni dosa.

2 TIMOTEUS 2:19

Hape anggo ojahan na nibaen ni Debata, ojahan na togu situtu do i jana na so tarhutur. Di ginjangna i tarsurat do, “Ditanda Tuhan do angka nampunaNia,” bope “Sanga ise na mandok nampuna ni Tuhan ia, angkon mantak ma halakna i mambaen dosa”.