MASMUR 13:5 - BIBEL JAMITA NA DENGGAN

⁵ Tapi anggo au mararop ni roha do tu ibo ni rohaMu, marmoga-moga ma rohangku, angke Ho palua au.

MASMUR 13:5 ပူးပေါင်းရင်းမြစ်များ

MASMUR 119:81

Malungun situtu do rohangku di haluaan na sian Ho, ale Tuhan, janjiMu do na huhaposi.

MASMUR 147:11

Lomo do roha ni Tuhan tu halak na burju, tu halak na tongtong mararop ni roha tu holongNia.

MASMUR 25:2

o Tuhan, Ho do haposan ni rohangku! Ulang padiar dipaila au, jana disurahi angka musungku.

MASMUR 32:10

Sanga ise angka pardosa, dondonan ni bahat hasusaan; tapi anggo na marpos ni roha tu Tuhan sai hot do i dilinggomi jana dihaholongi Tuhan.

MASMUR 33:18

Dijagohon Tuhan do sanga ise halak na burju mangoloi Ia, halak na mararop roha di holong ni rohaNa sapanjang.

MASMUR 36:7

Na arga ma da antong holong ni rohaMu na manongtong i ale Debata, marlinggom di toru ni habongMu do hami.

MASMUR 38:17

Tartuktuk do au jana saotik nari noma anso dabu, sai na torus noma hancitan au.

MASMUR 51:12

Baen ma au marjop ni roha mangulahi hara ni haluaan na sian Ho, padiar ma anso sian jop ni rohangku burju au mangoloi Ho.

MASMUR 52:8

Hape anggo au tarsongon bona ni zetun na rata do di bagasan Bagas Ni Debata. Huhaporsayai do holong ni rohaNia na manongtong i ro di salolot-lolotna.

MASMUR 9:14

Di jolo ni pangisi ni Jerusalem, kota na badia i jongjong au mangendehon pujian. Giot paboaonku sude pambaenanMu, jop rohangku, angke dipalua Ho au.

JESAYA 12:2

Debata do da haluaanku, porsaya tuSia do au. Nada adong na mambaen au mabiar, angke Tuhan Debata do hagogoanku dohot ende-endengku, Debata do na paluahon au, Ia do haluaanku.

HABAKUK 3:18

Sai tongtong noma au marjop ni roha di bagasan Tuhan, jana maria-ria di bagasan Debata Sipalua au.

LUKAS 1:47

marmoga-moga rohangku hara ni Debata Sipatorkiskonku.

LUKAS 2:20

Mulak ma parmahan i huhut mamuji jana dipasangap halahi ma Debata, hara ni sude na niida dohot na nibege ni halahi, songon na dung dipabotohon tu halahi.

JUDAS 1:21

jana sai mardongan holong na sian Debata ma hamu mardalan di ngolu on salolot mararop ni roha hamu di asi ni roha ni Tuhanta Jesus Kristus na giot mangalehen ngolu na manongtong di hamu.

1 SAMUEL 2:1

Dung i martangiang ma si Hanna, ning ia ma, “Dipajop Tuhan do rohangku, pambaenanNia do na pasonang tondingku. Huincahi musungku; gabe martua ma au, angke tutu do na dung diurupi Debata au.