MASMUR 13:2 - BIBEL JAMITA NA DENGGAN

² Lopus andigan hasusaan taononku, marsak sasadari, jana tunduk tu musu?

MASMUR 13:2 ပူးပေါင်းရင်းမြစ်များ

NEHEMIA 2:2

Jadi gabe disapai ia ma, “Biasi songon na marsak sajo ho idaon, hape nada na marun ho? Pasti adong sanga na aha na niarsakkonmu.” Tarsonggot ma au,

ESTER 7:6

Dialusi si Ester ma, “Si Haman na jahat on ma da musunami jana na mamparhanciti hami!” Di bagasan biar na marsitutu manatap ma si Haman tu raja dohot tu ratu i.

JOB 10:15

Muda au mambaen dosa, gabe mago ma bagianniba! Hape muda soada iba targora, laing na tong ma iba sipardosa! Nada puluk iba mandorgak, hara ni raso na bile jana na marsak.

MASMUR 10:18

Ho do na manangihon jana mangurupi na so marama jana na diparkanciti, ulang adong be jolma di portibi na puluk manjahati tu halahi.

MASMUR 116:3

Dirongomi parmaraan godang au, humasusa jana mabiar au pambaen ni jorbut ni hamatean.

MASMUR 17:9

sian hosom ni parjahat na manghaliangi au, sian musu na giot mangabisi hosangku.

MASMUR 31:18

Sumpol ma pamangan ni angka pargabus na manyombong pacia-ciahon halak na bulus.

MASMUR 38:17

Tartuktuk do au jana saotik nari noma anso dabu, sai na torus noma hancitan au.

MASMUR 42:4

Malala ate-atengku muda huingot hatiha na salpu, di na mardalan tu Bagas Ni Debata rap dohot halak na bahat au. Mardalan di jolo ni barisan i ma au, mardongan surak-surak dohot ende pamujian.

MASMUR 6:4

Sai marpangulahi ma rohaMu jana palua ma au, palua ma au hara ni holong ni rohaMu.

MASMUR 7:2

Ulang ma padiar songon singa halahi manyoro au; pola disuak-suak au, lalu disarat, dipadiar so adong na mangurupi.

MASMUR 74:10

Intap ni andigan do, ale Debata, musu on sai mangincaki Ho? Sapanjangna noma he layasan ni halahi goarMi?

MASMUR 74:18

Ingot ma ale Tuhan, pangincahi ni musu i di Ho, marlayas goarMu dibaen bangso na so mananda Ho.

MASMUR 8:2

diendehon dakdanak dohot na baru sorang. PamarentahonMu nada tarhutur, musu parkosom dibaen Ho gabe hohom.

MASMUR 9:6

Dironcohon Ho musu dohot angka kota ni halahi, nada adong be na marningot i.

PODA 15:13

Muda marjop ni roha halak, mikim ia; tapi muda marsak, markaremut bohina.

PARJAMITA 5:17

Di bagasan hagolapan, hasusaan, arsak ni roha, hamuruhon dohot parkancitan do hita salolot mangolu.

JEREMIA 15:18

Biasi dehe sai torus au marhancit? Biasi banga gasangku jana nada marnamalum? Betak na giot lebak do au baenonMu songon batang aek na mahiang di ari logo?”

JEREMIA 45:3

humolos do ho songon on, ‘Iale, na sial ma antong iba on! Bahatna antong hasusaanku, hape laing ditamba Tuhan muse dope dohot parkancitan. Loja au na humolos i, so adong saotik pe hasonangan!’

JEREMIA 8:18

Mabugang ate-atengku jana maniak, nada haubatan pardangolanniba.

ANDUNG 1:5

Marbungaran angka musuna hara ni na dung mangarajai ia. Tuhan mambaen ia humasusa, patunda ni bahatna dosania. Hona taban do halakna, jana dioban tu habuanganna di jolo ni musuna.

ANDUNG 1:9

Torang do tarida hahodaranna tapi nada diampirkon ia bagiannia. Santak ma da parsegona, hape sahalak pe nada adong mangapoisa. Mangido ibo ni roha ia sian Tuhan, hara ni angka musuna na dung monang.

ANDUNG 5:20

Malolottu do antong ditadingkon Ho hami! LupahononMu sapanjangna noma ulaning hami?

MATEUS 26:38

Didok Ia ma tu anak siseanNia i, “Marsak sajo do Au, songon na giot mate Huhilala. Dison ma jolo hamu, anso dohot hamu marjonggor rap dohot Au.”

LUKAS 22:53

Ganop ari do Au rap dohot hamu di Bagas Ni Debata, hape so ditangkup hamu Au. Tapi on ma lakna hatihana di hamu mambaen sibaenonmunu, jana hatihana ma kuaso hagolapan i mambaen hatontuan.”

JOHANNES 16:6

Mur hancit muse noma rohamunu dung Hupaboa na songon i tu hamu.

SURAT NI SI PAULUS TU PARLAGUTAN ROM 9:2

Marsak sajo do au jana magopu ate-atengku

PILIPPI 2:27

Tutu do ia na marnyae, jabat giot mate. Tapi ibo do roha ni Debata disia, jana nada hum tusia sajo, tapi dohot do tu au, anso ulang mur martamba be arsakku.

1 SAMUEL 18:29

Jadi gabe mur mabiar ma ia tu si Daud jana goyak rohania paida-idasa salolot mangolu ia.

1 SAMUEL 24:19

Madung dipatidahon di ari sadarion na denggan do hape rohamu tu au, angke nada dibunu ho au haru pe na dung dipasahat Tuhan au tu tanganmu.