MASMUR 128:2 - BIBEL JAMITA NA DENGGAN

² Panganonmu noma suha ni karejomu makmur jana sonang ngolumu.

MASMUR 128:2 ပူးပေါင်းရင်းမြစ်များ

PAMUNGKAAN 3:19

Maradu loja noma ho markarejo jana hodohan laho pauli tano i anso marhasil, lopus mulak ho gabe tano angke na sian i do ho dijadihon, jana mangulahi muse ma ho gabe tano.”

MASMUR 1:3

Tarsongon hayu na di topi ni batang aek do ia, na marbatu di hatihana, boti pe nada jungada malos bulungna, mardohar do halahi di na nikarejohonna.

MASMUR 109:11

Padiar ma disita angka parsingir sinadonganna, jana suha ni halolojana pe dirampas halak na asing ma.

PARJAMITA 8:12

Haru pe dibaen sada pardosa saratus hajahatan, laing totop do ia mangolu jana umurna ginjang. Ninna, sanga ise na mangoloi Debata, mur maradu mura do ngoluna.

JESAYA 3:10

Dokkon ma martua halak na tigor! Harana panganan ni halahi ma suha ni parkarejoanna.

JESAYA 62:8

Marhite sumpa Tuhan madung marjanji, hara ni kuasoNia pasti do manjadi: “Nada be panganon ni musumu sian gandummu, halak na asing nada be inumonna anggurmu.

JESAYA 65:13

Jadi songon on do pandok ni Tuhan Debata, “Satutuna do, sanga ise na marsomba tu Au jana na burju mangoloi Au tuk do panganon dohot inumonna, hape anggo hamu malean do jana manguas. Moga ma halahi, hape anggo hamu maila.”

JEREMIA 22:15

Muda dipajongjong ho bagas godang mamake hayu sampinur Libanon na jumegesna, i ma he tandana paboa ho ma raja na dumenggan sian angka raja na asing? Ingot ma jolo tu amangmu. Didai ia do ngolu na sonang jana mardohar do ia di sude karejonia, angke tigor jana lidang do ia tongtong jana tigor do dibaen ia parkaro ni halak na pogos.

1 KORINTUS 15:58

Hara ni i hamu ale angka dongan na nihaholongan, sai togu ma hamu jana hot. Marsitutu ma markarejo di Tuhan, angke diboto hamu do, sude na nikarejohonmunu di Tuhan, nada sayang boti sudena i.

EPESUS 6:3

songon na nidok on, “Anso martua ho jana ginjang umurmu di tano on.”

PANGARATAION 28:11

Basa-basahononNa ma di ho bahat anak. Bahat ma pahan-pahananmunu jana marlobian suha ni ladangmunu di tano na nijanjihon ni Tuhan i tu ompumunu di hamu.

PANGARATAION 28:39

Suananmunu ma angka kobun anggur jana pature-tureonmunu ma i, hape nada adong putihonmunu parbatuna sanga inumonmunu aek ni anggurna, angke papanganan ni ulok-ulok do bona ni anggur i.

PANGARATAION 28:4

Pasupasuon ni Tuhan ma ho, gabe bahat anakmunu, marlobian suha ni ladangmunu jana bahat lombu dohot biri-birimunu.

PANGARATAION 28:51

Pangabison ni halahi ma pahan-pahanan dohot suha ni ladangmunu. Saotik pe nada adong tadingkonon ni halahi sian gandum, aek ni anggur, miak zetun, lombu sanga hambengmunu lopus mate tangkuraparon ho.

PANGARATAION 28:8

Pasupasuon ni Tuhan ma karejomunu jana gohanna angka talobatmunu dohot gandum. PasupasuonNia ma ho di tano na giot silehenonNia di ho.