MASMUR 125:2 - BIBEL JAMITA NA DENGGAN

² Songon angka dolok na mangondingi Jerusalem, songon i ma pangondingi ni Tuhan di bangsoNa, saonnari ro di salolot-lolotna.

MASMUR 125:2 ပူးပေါင်းရင်းမြစ်များ

2 RAJA-RAJA 6:17

Dung i martangiang ma si Elisa, “Tuhan sai ungkap ma jolo mata ni pangurupingku anso diida ia!” Dioloi Tuhan ma tangiang ni si Elisa i, jadi taran manaili pangurupinia i, diida ia ma sude dolok i gok dohot kudo dohot kareta na marapi humaliang si Elisa.

MASMUR 121:8

JagohononNia do ho laho ro dohot laho kehe, saonnari ro di salolot ni lolotna.

MASMUR 34:7

Surusuruan Ni Tuhan manogu halak na burju marugamo, jana na paluahon halahi sian bahaya.

JESAYA 4:5

Dung i baenon ni Tuhan ma ombun di arianna, jana timus dohot api na marsinondang di bornginna, di gincat ni kota Sion dohot di gincat ni sude angka na marlagut di kota i. Hamuliaan ni Debata ma manggupgupi dohot manjagohon sudena i.

ANDUNG 4:12

Nada adong na porsaya sian tonga-tonga ni angka raja dohot halak na saportibi bahaso na bolas masuhan ni musu do angka horbangan ni kota Jerusalem.

ZAKARIA 2:5

Madung dijanjihon Tuhan bahaso na giot Ia sandiri do gabe tembok api humaliang kota i laho mangondingisa jana na giot disi noma Ia di bagasan sude kuaso dohot hagodanganNia.”

PANGARATAION 33:27

Sai tongtong do Debata na gabe pambelamunu; tanganNa na so ra mantak i panungkolmunu. Dipaorot Ia musu sian jolomunu, disuru Ia ho mangaropuk sude alomu.