MASMUR 124:1 - BIBEL JAMITA NA DENGGAN

¹ Bia do sugari nada mamihak tu hita Tuhan? Hamu halak Israel, alusi hamu ma songon on:

MASMUR 124:1 ပူးပေါင်းရင်းမြစ်များ

PAMUNGKAAN 31:42

Sugari sura na so nidonganan ni Debata ni daompung au, i ma Debata na nisomba ni si Abraham dohot si Ishak, ma pasti rumar tanganku paorotonmu. Tapi madung diparrohahon Debata hasusaanki dohot parkarejoan na dung hubaen i, jana napotangin, madung dilehen Ia haputusanNa.”

MASMUR 120:1

Di bagasan hasusaanku pio-pio au tu Ho Tuhan, jana dialusi Ho do au.

MASMUR 121:1

Mangaranap do matangku dompak dolok, sian dia do luai ro pangurupion di au?

MASMUR 122:1

Jop do rohangku muda didokkon halak tu au, “Beta hita tu Bagas Ni Tuhan!”

MASMUR 123:1

O Tuhan, tu Ho do au manatap Ho do mamarenta di banua ginjang.

MASMUR 125:1

Sanga ise na porsaya tu Tuhan, i ma na songon Dolok Sion, na togu nada tarhutur, jana tohong nada targulotkon salolot-lolotna.

MASMUR 126:1

Di na nioban ni Tuhan hita mulak tu Jerusalem, songon halak na marnipi do hita!

MASMUR 127:1

Muda so Tuhan na pajongjong bagas, nada marguna haloloja ni tukangna. Muda so Tuhan na manjago hita, nada marguna jonggor angka panjagona.

MASMUR 128:1

Martua ma halak na mabiar mida Tuhan, jana na mangolu mangihutkon parentaNa.

MASMUR 129:1

Pajojor ma ale Israel, hancit ni na nitaonmu, na dibaen ni musu mamungka sian haposoonmu.

MASMUR 130:1

Tuhan, pio-pio do au tu Ho sian rahis godang ni pandeleanku.

MASMUR 131:1

Nada ginjang rohangku ale Tuhan nada gakgak muse au. Nada hulojai diringku dohot angka pangalaho na godang sanga dohot angka parkaro na borat.

MASMUR 132:1

O Tuhan, ingot ma si Daud dohot sude pardangolannia.

MASMUR 133:1

Dengganna i jana sonangna i antong, muda mardenggan angka na markahamaranggi di ngoluna.

MASMUR 134:1

Puji ma Tuhan, ale sude naposo ni Tuhan, sude na markobas di BagasNia di hatiha borngin.

MASMUR 27:1

Tuhan do hatiuran ni ngolungku dohot sipalua au, nada adong habiaranku. Tuhan do benteng parondinganku, nada pola humitir au.

MASMUR 46:11

Didongani Tuhan Na Markuaso i do hita, Debata ni si Jakob do mangondihon hita.

MASMUR 46:7

Didongani Tuhan Na Markuaso i do hita, diondihon Debata ni si Jakob do hita.

MASMUR 54:4

Tapi Ho do panolongi anggo di au, ale Debata, Ho do Tuhan na manungkoli ngolungku.

MASMUR 56:10

Hupuji do Ho ale Debata, hara ni na nijanjihonMu, hupuji ma Ho ale Tuhan, hara ni na nipadankonMu.

MASMUR 56:9

Di ari na pio-pio au tu Ho, ale Debata, sumurut ma musungku hona ayak, angke pos do rohangku tu au do Ho marpihak.

MASMUR 94:17

Sugari nada diurupi Ho au, ale Tuhan, na giot bungkas hian noma au tu portibi ni na mate.

HARURUAR 15:1

Dung i diendehon si Musa dohot halak Israel ma ende on di Tuhan, “Giot marende ma au di Tuhan, hara ni na monang Ia marhasurungan. Kudo dohot na mangalombut diambungkon Ia tu bagasan laut.

SURAT NI SI PAULUS TU PARLAGUTAN ROM 8:31

Aha ma he tardok hita taringot tu sudena i? Muda Debata donganta, ise ma he tarbaen mangalo hita?