MASMUR 122:6 - BIBEL JAMITA NA DENGGAN

⁶ Tangiangkon hamu ma hasonangan ni Jerusalem: “Anso sai sonang sude halak na manghaholongi ho.

MASMUR 122:6 ပူးပေါင်းရင်းမြစ်များ

PAMUNGKAAN 12:3

PasupasuonKu ma sanga ise na mamasumasu ho. Tapi buraanKu ma sanga ise na mamurai ho. Jana hara ni ho, pasupasuonKu ma sude angka bangso na di tano on.”

NEHEMIA 11:1

Hot ma maringanan angka pamimpin di Jerusalem jana mambaen undi ma rayat i laho sada ripe sian ganop sampulu ripe na angkon tinggal di kota na badia Jerusalem. Angka na so tarpili i, tola do maringanan di angka kota na asing.

NEHEMIA 11:2

Adong do sian tonga-tonga ni halahi na rela totop di Jerusalem jana dipuji rayat i do halahi.

ESTER 4:8

Laing dilehen si Mordehai ma tu si Hatah salinan ni surat ni raja i na dung diparuar di Susan jana na marisi parenta laho mamusa halak Jahudi. Disuru ia ma si Hatah laho mangalehen surat i tu si Ester dohot patorangkon pangalaho i tusia songon i muse anso kehe si Ester mangadop tu raja laho mangidohon ibo ni roha di bangsonia.

MASMUR 51:18

Ale Debata, patuduhon ma denggan ni rohaMu tu Sion, pajongjong ma mangulahi angka tembok ni Jerusalem.

JESAYA 62:7

Angkon torus do halahi mangido ulang padiar Ia maradian sampe dibangun Ia Jerusalem, jana anso gabe kota na godang di sandok portibi.

JESAYA 66:10

Ale hamu na manghaholongi Jerusalem, beta ma marjop ni roha, marmoga-moga ma hara ni i! Hamu na marsak hara ni ia, saonnari tola ma marjop ni roha.

JEREMIA 29:7

Markarejo ma hamu anso dumpang hasonangan di angka kota habuanganmunu. Tangiangkon hamu ma tu au salaho tu haporluan ni angka kota i, angke muda masonang kota i laing masonang muse do dohot hamu.

JEREMIA 51:50

Didok Tuhan ma tu halak Israel di Babel, “Madung malua hamu sian pamunuon! Jadi, kehe ma hamu saonnari! Ulang be painte hamu! Haru pe dao hamu sian bagas, ingot hamu tu Au Tuhanmunu dohot tu Jerusalem.

BILANGAN 24:9

Anggo bangso Israel i na gogo do tarsongon singa, ise muse ma he na puluk mangganggusa andigan disia hatiha maradian? Sanga ise mamasumasu halak Israel, ia pe dipasupasu barang ise na mamurai Israel, ia pe hona bura.”

JOHANNES 17:21

Hupangido tu Damang anso gabe sada halahi sude, songon Damang na sada dohot Au jana Au sada muse dohot Damang. Sai sada ma nian halahi dohot Hita anso porsaya portibi on na nisuru ni Damang do Au.

EPESUS 4:3

Marsitutu ma hamu parayakkon anso tongtong denggan mardalan hasadaon na nitompa ni Tondi Parbadia i, hara ni ngolumunu na mardame.

2 TESSALONIKA 3:16

Tuhan i do haroroan ni hasonanganta. Sai tongtong ma dilehen Ia hasonangan di hamu markite-hite dalan na marragam. Sai didongani Tuhan ma hamu sudena.

1 JOHANNES 3:14

Taboto do na dung taripar hita sian hamatean tu hangoluan, hara ni na marsihaholongan hita tu angka donganta. Halak na so marholong ni roha, laing na nirajaan ni hamatean dope i.

1 SAMUEL 12:23

Anggo salaho tu au, sai ulang nian mardosa au maradopkon Tuhan hara ni na maradian au manangianghon hamu. Tapi sai na pupuonku do torus mangajarkon tu hamu angka pangalaho na denggan dohot na tigor na giot si karejohononmunu.