MASMUR 122:5 - BIBEL JAMITA NA DENGGAN

⁵ Dison ma angka raja ni Israel manguhumi bangsoNa.

MASMUR 122:5 ပူးပေါင်းရင်းမြစ်များ

2 SAMUEL 8:18

si Benaya anak ni si Joyada; i ma panglima pangawal ni raja; dohot angka anak ni si Daud, i ma gabe malim di bagas godang.

1 RAJA-RAJA 7:7

Ruangan na asing, i ma “Bale Habangsa” na digoari muse Bale Pangadilan. Anggo ruangan i mamungka sian lante lalu tu langit-langitna i dilampis dohot hayu ares Libanon do. Di ruangan on ma si Salomo mamutuskon angka parkaro siadilan.

2 JUJUR TAON 11:22

I ma dalanna umbaen na sai jumop rohania mida si Abia anak ni si Maaka i ulang pado sude anaknia na asing i jana dipili ia ma i laho manggontihon ia gabe raja.

2 JUJUR TAON 19:8

Di Jerusalem pe laing diangkat si Josafat do angka panguhum sian halak Levi, angka malim dohot sian bagian hatobangon ni rayat i. Angkon putuskonon ni halahi do angka parkaro na mardomu tu angka na mangalanggar Tona Ni Tuhan dohot angka parkaro-parkaro na asing.

PANGARATAION 17:18

Muda adong sada halak na diangkat gabe raja, angkon lehenon do tusia sada buku na marisi angka aturan dohot pangajaran ni Debata na nisurat sian buku na asli na nisimpan ni angka Malim Levi.

PANGARATAION 17:8

Betak sai adong parkaro na so tarputuskon angka hakim di sada inganan hara ni na mamaoltu, umpamana taringot tu hak parnampunaon, na marsibugangan pamatang, sanga parkaro na marsibunuan na sangajo sanga na so sangajo, di na songon i angkon kehe do hamu tu inganan paribadatan na nitontuhon ni Tuhan Debatamunu i.