MASMUR 121:7 - BIBEL JAMITA NA DENGGAN

⁷ Jagohonon ni Tuhan ma ho sian parmaraan, jagohononNia do ho anso marhasonangan.

MASMUR 121:7 ပူးပေါင်းရင်းမြစ်များ

PAMUNGKAAN 28:15

Ingot ma! Sai na dongananKu do ho jana ondihononKu sanga na tu dia pe ho kehe, jana obanonKu do ho mangulahi tu luat on. Nada tadingkononKu ho lopus Hupatulus sude sanga aha na Hujanjihon tu ho.”

1 JUJUR TAON 4:10

Tapi martangiang ma si Jabes tu Debata na nisomba ni halak Israel, ning ia ma, “O Debata, pasupasu ma au jana sugari pabidang ma nian luat di au. Jagohon ma au jana padao ma parmaraan anso ulang marhancit au.” Jana tulus do tangiangnia i dibaen Debata.

MASMUR 145:20

Dilinggomi Ia do ganop halak na manghaholongi Ia, tapi anggo parjahat dipusa Ia.

MASMUR 34:22

Paluaon ni Tuhan ma angka naposoNa na marpangondian tuSia indangkan na hona uhuman.

MASMUR 41:2

Ondihonon jana pareso-resoon ni Tuhan ma hosania; partuaan ni Tuhan ma ia di portibi on, jana nada pasahatonNia ia tu tangan ni musuna.

MASMUR 97:10

O hamu angka na manghaholongi Tuhan, hagigihon hamu ma hajahatan. Dibaen diondihon Tuhan do ngolu ni bangsoNa, dipalua Ia halahi sian kuaso ni halak na so hasaya.

PODA 12:21

Nada masa jaya tu halak partigor, tapi marjaya do halak parjahat.

BILANGAN 6:24

Sai dipasupasu jana dijagohon Tuhan i ma hamu.

MATEUS 6:13

jana ulang pamasuk hami tu bagasan pandugaan, tapi palua ma hami sian pangago i.’ [Ho do Raja na markuaso jana na marsangap salolot-lolotna.]

SURAT NI SI PAULUS TU PARLAGUTAN ROM 8:28

Taboto do, Debata do na mangatur sasudena, anso gabe manjalak tu dengganna di angka halak na mangkaholongi Ia jana na nipiohonNia hombar tu sangkapNia.

2 TIMOTEUS 4:18

Sai paluaon ni Tuhan Jesus do au tongtong sian sude usaho na jat maradopkon au. BoanonNia do au lopus tu bagasan HarajaanNia di banua ginjang. Sipasangapon do Ia salolot-lolotna! Amen.