MASMUR 12:7 - BIBEL JAMITA NA DENGGAN

^7-8 Sun tu dia halak na jahat mardalani, parohon mara tu sude jolma i. Tapi ale Tuhan, Ho ma mangondingi, anso sonang hami sian hajungkatan ni halahi.

MASMUR 12:7 ပူးပေါင်းရင်းမြစ်များ

MASMUR 10:18

Ho do na manangihon jana mangurupi na so marama jana na diparkanciti, ulang adong be jolma di portibi na puluk manjahati tu halahi.

MASMUR 119:140

Hot do janjiMu jana haposan, sai holong do rohangku midasa,

MASMUR 121:8

JagohononNia do ho laho ro dohot laho kehe, saonnari ro di salolot ni lolotna.

MASMUR 145:20

Dilinggomi Ia do ganop halak na manghaholongi Ia, tapi anggo parjahat dipusa Ia.

MASMUR 16:1

Jagohon ma au, ale Debata, tu Ho do au maronding-onding.

MASMUR 18:31

Angke nada adong Debata asing sian Tuhan, hum Debata do na mangalehen parlindungan.

MASMUR 19:9

Dumenggan ma na marsomba tu Tuhan, jana tongtong ma i nikarejoan. Haposan do Tona Ni Tuhan jana salolotna do marhatigoran.

MASMUR 37:28

Dibaen holong do roha ni Tuhan mida hatigoran; nada padiaronNa bangsoNa i marhancit. Sai hot do disarihon Ia halak na nihaholonganNia, hape anggo pomparan ni parjahat paorotonNia.

MASMUR 37:40

Diurupi Ia do halahi jana dipalua, paluahon halahi sian halak na jahat, angke marpangondian do halahi tuSia.

JESAYA 27:3

Au do Tuhan na manjagosa; jana na totop pasiram-siram i; arian sanga borngin sai Hujagoi do i, anso ulang adong na manyego i.

MATEUS 3:7

Bahat muse do halak Parise dohot Saduse na marroan tu si Johannes, anso tardidi. Dung diida ia halahi marroan, didok ia ma tu halahi, “Hamu angka pomparan ni ulok! Ise do mandok tu hamu, na bisa pasimbilon dirimunu sian muruk ni Debata na giot ro i?

PANGARATAION 33:3

Dihaholongi Tuhan do bangsoNa dijagohon Ia do nampunaNia. Manungkap ma hita di jolo ni patNia mangoloi angka parentaNa.

1 PETRUS 1:5

Di hamu do i sudena, hara ni na dung porsaya hamu tu Debata. Gabe dijago kuaso ni Debata ma hamu anso dohot hamu manjagit haluaan na dung singkop giot pabotohonon di hatiha parpudi.

JUDAS 1:1

Sian si Judas naposo ni Jesus Kristus, anggi ni si Jakobus, tu angka halak na tarpio jana na nihaholongan di bagasan Debata Ama, jana na nijagohon ni Jesus Kristus.

1 SAMUEL 2:9

Halak na tigor do na sai sonang di bagasan pangaramotion ni Tuhan. Tapi anggo na jahat sai na sarsar do i mago di bagasan hagolapan na marimpot-impot. Gogona sandiri so tarpangasahon, so tarlehen gogo ni jolma hamonangan.