MASMUR 119:9 - BIBEL JAMITA NA DENGGAN

⁹ Tarjagohon na poso do dirina sian hahodaron, muda diihutkon parentaMu di ngoluna, ale Tuhan.

MASMUR 119:9 ပူးပေါင်းရင်းမြစ်များ

2 JUJUR TAON 6:16

Laing dijanjihon Ho muse do tu damang, muda tutu do antong setia pomparannia mangoloi uhumMu laing songon ia i, gabe sai adong ma sada nian pomparannia na gabe raja di Israel. Saonnari ale Tuhan, Debata ni Israel, pangidoanku anso nian laing patulusonMu muse sudena na nijanjihonMu tu damang si Daud i.”

JOB 1:5

Ganop abis pesta, sai sigop do ngot si Job jana dihaulkon ia ma haul salaho tu angka anaknia i anso disesa Tuhan dosa ni halahi. Harana didok rohania betak na dung mardosa do angka dakdanaknia i jana pabilehon Debata sian na so pamotoanna.

JOB 13:26

Na paet do ditontuhon Ho ngolu bagianku, dibaloskon Ho do hasalaanku dompak di haposoonku.

MASMUR 119:11

Madung husimpan pangajaranMu di bagasan rohangku, anso ulang mardosa au maradopkon Ho.

MASMUR 17:4

Pangkuling ni parjahat nada hutiru, parentaMu huoloi jana na mangasahon gogo padaoonku.

MASMUR 25:7

Sesa ma dosa dohot hasalaan di hatiha haposoonku, ingot ma au, hombar tu holong dohot denggan ni rohaMu.

MASMUR 34:11

Tangihon ma, sude hamu angka dakdanak, huajari hamu pasangapkon Tuhan.

PODA 1:10

Muda dielek-elek angka jolma pardosa ho, anakku, ulang ma ra ho.

PODA 1:4

Halak na hurang pangalaman diajari do gabe malo, jana halak na poso diajarisa gabe halak na marbinoto boti marbisuk.

PODA 2:11

Jagohonon ni pangastuionmu dohot hamaloonmu ma ho,

PODA 4:1

Hamu ale dakdanak, tangihon hamu ma sipaingot ni amangmu! Parrohahon ma i, jadi gabe marbisuk ma ho.

PODA 7:7

Jadi huligi ma bahat doli-doli na bajar dope; tapi hupamanat ma tangkas sada na oto sian tonga-tonga ni halahi.

PARJAMITA 11:9

Hamu angka na poso, marjop ni roha ma hamu di haposoonmu. Marsonang-sonang ma hamu dompak poso. Baen ma giotmu, jana patulus ma giot ni rohamu. Tapi ingot ma, angkon uhumon ni Debata do muse sude na nibaenmu.

LUKAS 15:13

Nada sadia honok dung i, digadis sianggian i ma sude arta bagiannia i jana kehe ma ia tu sihadaoan, dioban ia ma sude hepengnia i. Disi ma ia marroha-roha mangabur-aburkon hepengnia i.

JOHANNES 15:3

Madung ias anggo hamu dibaen pangajaran na Hulehen i di hamu.

PANGARATAION 17:18

Muda adong sada halak na diangkat gabe raja, angkon lehenon do tusia sada buku na marisi angka aturan dohot pangajaran ni Debata na nisurat sian buku na asli na nisimpan ni angka Malim Levi.

2 TIMOTEUS 2:22

Orom ma dirimu taringot tu angka hasonangan ni na poso-poso. Haburjuhon ma mangoloi hagiot ni Debata, manghaporsayai Ia jana marholong ni roha dohot hadameon ni roha. Saroha ma ho na mangolu i rap dohot angka dongan na mangido tolong sian Tuhan mardongan roha na ias.

JOSUA 1:7

Hum on do, sai marpos ni roha ma ho jana togu. Ingot ma ho laho mangoloi sadenggan-dengganna sandok uhum na nilehen ni si Musa naposongKu tu ho. Ulang layas rohamu saotik pe di angka uhum i, anso maruntung ho sanga tudia pe ho kehe.