MASMUR 119:8 - BIBEL JAMITA NA DENGGAN

⁸ Sai giot oloanku do parentaMu, bagi na bia pe ulang ma tadingkon au.

MASMUR 119:8 ပူးပေါင်းရင်းမြစ်များ

MASMUR 119:106

Na hujanjihon mardongan sumpa gohanku ma i, haputusanMu na tigor i patulusonku do i.

MASMUR 119:145

Pio-pio do au tu Ho sian sude rohangku, alusi ma au ale Tuhan, oloanku do parentaMu.

MASMUR 119:16

Gabe sonang do au dibaen hatontuanMu; nada huhalupahon pangajaranMu.

MASMUR 119:176

Songon biri-biri na mago, lilu do au, tapi nada hupasiding anggo parentaMu. Antong ro ma Ho, jalahi ma au, angke naposoMu do au.

MASMUR 51:11

Ulang ambungkon au sian adopanMu, jana ulang buat tondiMu na badia i sian au.

MASMUR 71:18

Lopus matobang au tehe jana ubanon, ale Debata, ulang ma au tadingkon, lopus hubaritahon kuaso dohot godang ni sahalaMu, tu sude pomparan na giot ro.

MASMUR 71:9

Ulang ma ambungkon au di ari ni hatotobangku ulang tadingkon au muda dung abis gogongku,

PILIPPI 4:13

Markite-hite kuaso na nilehen ni Kristus i tu au, taradopi au do sude ragam-ragam ni angka na masa.

JOSUA 24:15

Sugari sura nada ra hamu mangoloi tu Tuhan, laing sadari on ma baen hamu haputusanna, sanga na tu ise do giotmunu mangoloi: Tu angka debata na nisomba ni ompumunu najolo di Mesopotamia, sanga tu angka debata ni halak Amori na niingananmunu tanona saonnari do. Tapi anggo hami – au dohot dongan sabagasku – hum Tuhan do oloannami.”