MASMUR 119:53 - BIBEL JAMITA NA DENGGAN

⁵³ Muda huida halak na jahat mangalanggar TonaMu, marsigorgor ma muruk ni rohangku.

MASMUR 119:53 ပူးပေါင်းရင်းမြစ်များ

ESRA 10:6

Dung disumpahon halahi, kehe ma si Esra sian jolo ni Bagas Ni Tuhan jana masuk ma ia tu bagas inganan ni si Johanan anak ni si Elyasib jana marborngin disi ma ia. Nada ra ia mangan sanga minum hara ni marsakna mamikirkon parbuatan ni angka halak buangan i.

ESRA 9:14

Jadi, bia muse dope hami pasidungkon angka parentaMu jana marsibuatan boru hami dohot angka jolma na jahat i? Muda laing hami baen dope antong songon i, ma pasti sun murukMu, gabe roncohononMu hami jana nada padiaronMu sahalak pe mangolu.

ESRA 9:3

Umbege pangalaho i, gabe mandele situtu ma au. Jadi gabe husibakkon ma pakeanku jana hujanggingi ma obukku dohot janggutku, juguk ma au songon i markutondo.

NEHEMIA 13:25

Hugorahon antong halahi jana huburai. Adong do na hubalbali jana hujangging obukna i, dung i husuru ma halahi marsumpa mangasahon goar ni Debata songon on: “Na so jadi lehenonmunu borumunu tu anak ni halahi, jana na so jadi alaponmunu boru ni halahi bahen dadaborumunu, sanga bahen dadaboru ni anakmunu sandiri!”

NEHEMIA 5:6

Pabege-bege holos ni halahi i, gabe sun ma murukku,

MASMUR 119:136

Mabaor ilungku songon batang aek, hara ni TonaMu na so dipatulus.

MASMUR 119:158

Magigi au mida angka panghianat i, hara ni na so diihutkon halahi pangajaranMu.

MASMUR 89:30

Tapi muda dilaosi pomparannia uhumKu, jana nada mardalan marguru di parentangKu,

JEREMIA 13:17

Muda nada ringkot rohamu manangihonsa, tangis ma au di sihabunian. Di bagasan pangkilalaan na hancit ginjang ni rohamu hutangisi. Marabur ma ilu ni matangku hara ni na hona taban bangso ni Tuhan gabe halak buangan.

DANIEL 4:19

Umbege i, tarsonggot jana longang ma sangombas si Daniel na nigoaran muse si Beltsasar. Jadi au Raja Nebukadnesar, hudok ma tusia, “Beltsasar, ulang pola susa rohamu hara ni nipi i dohot astuanna.” Dialusi si Beltsasar ma, “Rajanami, denggan ma i sugari nian tu angka musu ni raja i ma masa angka na tarjadi na nipaboa ni nipi i jana ulang ma nian tu raja i.

HABAKUK 3:16

Panyogiton pamatangku pabege-begesa bibirku pe humitir, jana rohangku pe mabiar. Gabe gale ma au nada adong be gogo, tartuktuk patku, mardalan pe nada malo. Hupasada noma rohangku paintehon uhuman tu angka bangso na ro mamorangi hami.

2 KORINTUS 12:21

Songon na biar do rohangku, betak sai dipatoruk Debata au di jolomunu muda hutopot hamu. Sak muse do rohangku, bahat sian hamu na mardosa hian nabaruon, patangiskon au hara ni na laing so ra muba jana laing so mantak halahi marpangalaho na so ture, na hodar dohot na so tama.

PILIPPI 3:18

Madung jotjot nian hupaboa tu hamu, jana huulahi muse saonnari mardongan ilu; bahat do halak na mangolu songon musu maradopkon hayu parsilang ni Kristus i.