MASMUR 119:4 - BIBEL JAMITA NA DENGGAN

⁴ Dilehen Ho do, ale Tuhan, parentaMu tu hami, anso setia hami nian mandalankon i.

MASMUR 119:4 ပူးပေါင်းရင်းမြစ်များ

ESRA 7:21

Huparentahon do tu sude pangurus ni kas ni harajaan na di propinsi Efrat Hasundutan anso dilehen tusia manigor sanga aha pe na nipangido ni Malim Esra, Malim Ni Debata na markuaso di banua ginjang i,

HARURUAR 7:6

Sude na nitonahon ni Tuhan i dikarejohon si Musa ma dohot si Harun.

JEREMIA 7:23

Anggo na Huparentahon tu halahi, hum pangoloion tu Au do anso Au gabe Debata ni halahi, jana halahi gabe bangsongKu. Husuru halahi anso mangolu mangihutkon angka na Huparentahon anso martua halahi.

JEHESKIEL 20:19

Hudok ma tu halahi: Au do Tuhan Debatamunu. Oloi hamu ma tona dohot parentangKu.

MATEUS 28:20

Laing ajari hamu ma halahi anso burju mangoloi sude na Huparentahon tu hamu. Botoonmunu ma. Au ma tongtong rap dohot hamu lopus tu hasidungan ni tano on.”

JOHANNES 14:15

“Muda holong rohamunu tu Au, dalankononmunu do angka na Huparentahon.

JOHANNES 14:21

Sanga ise na manjagit angka parentangKi jana na mangoloisa, i ma na mangkaholongi Au. Haholongan ni Damang ma sanga ise na mangkaholongi Au. Au pe laing haholonganKu ma halahi, jana patidahononKu ma tu halahi sanga ise Au.”

PANGARATAION 11:13

Antong muda songon i, sai oloi hamu ma angka parenta na hulehen tu hamu di ari sadari on, haholongi hamu ma Tuhan Debatamunu i jana oloi hamu ma Ia sian sandok rohamunu.

PANGARATAION 11:22

Haburjuhon hamu ma mangoloi angka aturan na Hulehen i tu hamu: Haholongi hamu ma Tuhan Debatamunu i, patulus hamu ma sandok na niparentahonNia tu hamu, sai hot ma hamu setia tuSia.

PANGARATAION 12:32

Sai patulus hamu ma sandok na dung huparentahon tu hamu; ulang tambai sanga urahi hamu saotik pe.

PANGARATAION 30:16

Muda holong rohamunu tu Tuhan Debatamunu jana mangoloi hamu tuSia bope diihutkon hamu sandok uhum dohot parentaNia na hulehen tu hamu sadari on, gabe dapot hamu ngolu na sonang, jana gabe bangso na sonang. Pasupasuon ni Tuhan Debata ma hamu di tano na so sadia honok nari be giot siingananmunu.

PANGARATAION 4:1

Dung i didok si Musa ma tu bangso i, “Oloi hamu ma sude aturan na huajarkon tu hamu, anso tola hamu mangolu dohot mangingani tano na giot silehenon ni Tuhan, Debata ni ompumunu tu hamu.

PANGARATAION 4:9

Parrohahon jana denggan ingot hamu, anso ulang lupa hamu sapanjang mangolu di sude na nisaksihonmunu sandiri. Baritahon hamu ma i di pomparanmunu,

PANGARATAION 6:17

Oloi hamu ma sude aturan na dilehen ni Tuhan tu ho.

PANGARATAION 6:3

Hamu angka dongan sabangso, parrohahon hamu ma angka aturan i jana oloi hamu ma i, anso sonang hamu jana gabe bangso na godang di tano na mora boti na napu i, laing songon na dung dijanjihon Tuhan Debata ni ompunta i.

JOSUA 1:7

Hum on do, sai marpos ni roha ma ho jana togu. Ingot ma ho laho mangoloi sadenggan-dengganna sandok uhum na nilehen ni si Musa naposongKu tu ho. Ulang layas rohamu saotik pe di angka uhum i, anso maruntung ho sanga tudia pe ho kehe.

1 JOHANNES 5:3

Angke muda nidok mangkaholongi Debata, na mangoloi angka tonaNia do astuan ni i. Jana nada pola borat di hita angka tonaNia i,