MASMUR 119:34 - BIBEL JAMITA NA DENGGAN

³⁴ Baen ma au mangarti di TonaMi, anso huoloi, jana hudalankon sian sandok rohangku.

MASMUR 119:34 ပူးပေါင်းရင်းမြစ်များ

1 JUJUR TAON 22:12

Jana sai ibo nian roha ni Tuhan Debatami laho mangalehen habisuhon dohot roha di ho anso tarrajai ho Israel hombar tu angka aturanna.

JOB 28:28

Didok Debata ma tu jolma, “Angkon pasangopanmunu do Debata anso maruli bisuk hamu. Angkon mandao do hamu sian hajahatan anso dapotan parbinotoan hamu.”

MASMUR 111:10

Biar mida Tuhan, i do mula ni habisukon; sanga ise na mangkarejohonna dapotan parbinotoan. Nipuji ma Ia salolot-lolotna!

MASMUR 119:10

Sian sandok rohangku huusahahon do laho mananda Ho, ulang padiar au manyimbil sian parentaMu.

MASMUR 119:100

Umboto do au sian angka na tobang-tobang, angke sai hudalankon do angka haputusanMu.

MASMUR 119:104

Angka parentaMu do mangalehen di au parbinotoan, gabe huhagigihon sandok na margoar hajahatan.

MASMUR 119:125

NaposoMu do au on, baen ma au mangarti, paraturanMi anso huastui.

MASMUR 119:130

Muda dipatorang, pangajaranMu mur tumangkas mangalehen hatorangan, mangalehen parbinotoan tu halak na oto.

MASMUR 119:144

Sapanjangna do tigor paraturanMu, lehen ma di au pangastuion anso mangolu au.

MASMUR 119:169

Ale Tuhan, sai bolkas ma tu Ho angguk-anggukku, lehen ma di au parbinotoan songon na nijanjihonMu.

MASMUR 119:2

Martua ma halak na mangihutkon parentaNia, jana na manggogo sian sandok rohana mananda Tuhan.

MASMUR 119:58

Mangido au sian sandok rohangku; domu tu janjiMu, rade ma au uhumanMu.

MASMUR 119:66

Lehen ma bisuk dohot parbinotoan tu au, angke porsaya do au tu angka parentaMu.

MASMUR 119:69

Ditilakoi halak siginjang roha au, tapi sian sandok rohangku, huoloi haputusanMu.

MASMUR 119:73

Ho do na manjadihon dohot na manompa au lehen ma di au parbinotoan laho mangastui angka parentaMu.

MASMUR 39:2

Manguntam au mangkohom, na denggan pe nada hudokkon, hape mur borat do pandondoni ni sitaonon.

MATEUS 5:19

Hara ni i, sanga ise na mangalanggar sada sian angka Tona i, sanga na ummenekna i pe, dung i diajari ia muse halak na asing mambaen songon i, gabe na ummenek do sisongon i di bagasan Harajaan Ni Banua Ginjang. Tapi sabalikna, sanga ise na padalankon angka aturan i, dung i diajari ia muse halak na asing mambaen songon i, halak na godang do sisongon i di bagasan Harajaan Ni Banua Ginjang.

MATEUS 7:24

“Antong, sarupa ma tu halak na pistar na pajongjong bagasna di ginjang ni batu, sanga ise na manangihon bope na patuluskon angka hata nangkinan i.

JOHANNES 7:17

Sanga ise na ra mangihutkon hagiot ni Debata, botoon ni halahi ma sanga na sian Debata do pangajaranKi, sanga na sian roha-rohangKu sandiri.

PANGARATAION 4:6

Patutna ma nian setia hamu patuluskon sude aturan i. Muda dibaen hamu songon i, nalnal ma abisuhonmunu maradopkon angka bangso na asing i. Muda dibege halahi taringot tu angka aturan i, dokkonon ni halahi ma, ‘Na bisuk jana na pistar ma da antong bangso na godang on!’

JAKOBUS 1:25

Sanggam do tona i jana margogo do i laho mambaen jolma gabe mardeka. Jana sanga ise na manangkasi dohot na mamparrohahon dohot denggan bope na patuluskon angka parenta i, jana nada hum na manangihon sajo jana mangkalupahonsa, martua ma halakna i di sude pangalaho na nibaennia.

JAKOBUS 1:5

Muda adong sanga ise sian hamu na hurang marroha, dipangido ia ma habisuhon sian Debata, gabe lehenon ni Debata ma disia habisuhon. Angke tu ganop halak do Debata mangalehen jana mardongan ibo ni roha.

JAKOBUS 4:11

Hamu angka dongan, ulang ma hamu marsitilakoan sanga marsipasalaan. Sanga ise na manilakoi sanga na pasalahon donganna Kristen, na manilakoi dohot na manyalahon angka Tona Ni Debata do i. Jana muda disalahon hamu angka Tona Ni Debata, na so diihutkon hamu be angka Tona i tapi gabe panguhum noma hamu disi.