MASMUR 119:16 - BIBEL JAMITA NA DENGGAN

¹⁶ Gabe sonang do au dibaen hatontuanMu; nada huhalupahon pangajaranMu.

MASMUR 119:16 ပူးပေါင်းရင်းမြစ်များ

MASMUR 119:24

Angka aturanMu do na gabe silehen sipaingot di au na pasonangkon rohangku.

MASMUR 119:47

Patuluskon parentaMu, i do hasonanganku, angke huhaholongi do i antong.

SURAT NI SI PAULUS TU PARLAGUTAN ROM 7:22

Anggo di bagasan, jop do rohangku adop Tona Ni Debata;

PODA 3:1

Ulang ma halupahon sanga aha na dung huajarkon tu ho, ale anakku. Sai paingot-ingot ma na huparentahon,

MASMUR 119:35

Sai gomos ma au marsitiopan tu parentaMu, angke martua do au marhite na mangoloisa.

MASMUR 119:176

Songon biri-biri na mago, lilu do au, tapi nada hupasiding anggo parentaMu. Antong ro ma Ho, jalahi ma au, angke naposoMu do au.

MASMUR 119:141

menek do au on boti bile, tapi anggo pangajaranMu nada huhalupahon.

MASMUR 119:109

Sai husabung do tongtong ngolungku, tapi nada huhalupahon anggo TonaMu.

MASMUR 119:83

Markerut huling-kulingku songon inganan ni anggur na buruk, tapi anggo hatontuan na nibaenMu nada huhalupahon.

MASMUR 119:77

Ibo ma rohaMu di au gabe hot ma au mangolu, angke TonaMu do jop ni rohangku.

MASMUR 119:70

Nada diastui angka jolma i, hape anggo di au uhumMi do pasonang rohangku.

MASMUR 1:2

tapi na ringgas patuluskon Tona Ni Tuhan, jana na pahusor-husorkon di bagasan rohana arian dohot bornginna.

MASMUR 119:14

Marjop ni roha do au hara ni angka parentaMu, songon na maniop sinadongan na bahat.

MASMUR 40:8

Jop rohangku patuluskon hagiotMu, ale Debata, tarsimpan do pangajaranMu di bagasan rohangku.”

MASMUR 119:11

Madung husimpan pangajaranMu di bagasan rohangku, anso ulang mardosa au maradopkon Ho.

MASMUR 119:61

Mamasang jorat angka parjahat tu au tapi nada huhalupahon TonaMu.

MASMUR 119:143

Sai marsak situtu do au jana humasusa, tapi hatontuan na nibaenMu do pajop rohaniba.

MASMUR 119:153

Tatap ma pardangolanku jana palua ma au, angke nada huhalupahon TonaMu.

MASMUR 119:174

Lungun sajo rohangku di haluaan na sian Ho, Tuhan, dilehen TonaMu do di au hatuaan.

PODA 21:15

Sonang do pangkilalaan ni halak na burju muda dipadalan hatigoran, tapi anggo halak na jahat maradu mabiar.

JEREMIA 15:16

Muda marsuo au dohot angka hataMu, gabe hutangihon ma i gabe hasonangan do di au hataMi, jana gabe jop ni rohangku. Angke madung dibaritahon tu au goarMi, ale Tuhan Na Markuaso.