MASMUR 119:118 - BIBEL JAMITA NA DENGGAN

¹¹⁸ Ditulak Ho do halak na manyimbil sian hatontuanMu, sayang boti do sangkap ni halahi na gok tipu.

MASMUR 119:118 ပူးပေါင်းရင်းမြစ်များ

MASMUR 119:10

Sian sandok rohangku huusahahon do laho mananda Ho, ulang padiar au manyimbil sian parentaMu.

MASMUR 119:21

Digorahon Ho do halak siginjang roha, diburai Ho do halak na manyimbil sian parentaMu.

MASMUR 119:29

Padao ma au sian dalan haliluan, jana lehen ma di au TonaMu.

MASMUR 78:57

Marbalik do halahi songon ompuna songon sior na bengkok do halahi nada haposan.

MASMUR 95:10

Opat pulu taon honokna magigi Au paida-ida halahi, ningKu: Tutu ma antong bangso na so haposan halak on! Nada diampirkon halahi angka na Huparentahon.

PODA 12:20

Halak na martahi hajahatan, manipu dirina; halak na parayak hadengganan, gabe martua.

JESAYA 25:10

Ondihonon ni Tuhan ma Dolok Sion, tapi anggo Moab dege-degeonNia do songon durame di inganan ni rompak.

JESAYA 44:20

Tudos tu na mangan abu do pangalaho i. Songon i ma liluna dibaen pikiran na oto i, gabe nada haurupan be ia. Nada ra ia mangoku tu dirinia sandiri, anggo patung na di tangannia i sanga na bia pe nada Debata i.

JESAYA 63:3

“Huporo angka bangso songon anggur, nada adong na ro mangurupi. Sasada Au do mangkarejohonsa; di bagasan murukKu Hudege-dege halahi. Mamincar mudarna i, mangaehi bajungKi, pahodarkon sude pakeanKi.

MALEAKI 4:3

Gabe dege-degeonmunu ma angka halak na jahat jana lopus songon abuan halahi dege-degeonmunu.

LUKAS 21:24

Adong ma na dibunu dohot podang, adong muse ma i na dioban gabe taban tu angka luat ni halak; jana dege-degeon ni halak ma Jerusalem lopus abis hatiha na dung nitontuhon ni Tuhan i tu halahi.”

EPESUS 4:22

Ambungkon hamu ma bakomunu na honok i, na mur sego dibaen angka hagiotna na mangaliluhon i.

EPESUS 5:6

Ulang jabat tarpaoto-oto hamu dibaen angka pangkataion na rumar. Angke angka pangalaho na songon on ma mambaen muruk Debata tu angka halak na so ra mangoloi Ia.

2 TIMOTEUS 3:13

hape anggo angka parjahat dohot angka panipu i mur jumahat dope. Ditipu halahi ma halak na asing, hape hona tipu muse do halahi.

1 JOHANNES 2:21

Jadi hubaen pe surat on tu hamu nada hara ni na so nibotomunu hasintongan i, tapi hara ni na dung nibotomunu i do jana diboto hamu muse do na so adong do gabus di hasintongan i.

HALUMBAAN 14:20

Di balian ni kota do digiling angka anggur i jana mardalan ma mudar na doras sian panggilingan i tolu ratus kilometer daona jana dua meter bagasna.

HALUMBAAN 18:23

Dung i nada be manyondangi sinondang ni palito di bagasan ho, nada tarbege be sora ni bayo pangoli, bagi sora ni boru na nioli di bagasan ho, dibaen angka halak na godang do na jolo angka parjagalmi, jana markite-hite hadatuonmu madung lilu sude bangso.”