MASMUR 118:27 - BIBEL JAMITA NA DENGGAN

²⁷ Tuhan do Debata, madung ditorangi Ia, hita. Tambatkon ma haul pesta i dohot tali, tu tanduk-tanduk ni langgatan i.

MASMUR 118:27 ပူးပေါင်းရင်းမြစ်များ

1 RAJA-RAJA 18:21

jadi didonohi si Elia ma rayat i jana didok ia ma, “Intap ni andigan ma sai torus hamu mardua roha? Muda Tuhan do Debata, somba hamu ma Tuhan; muda Baal i do Debata, Baal ma somba!” Mangkohom ma rayat na disi i.

1 RAJA-RAJA 18:39

Disi diida rayat i pangalaho i, tungkap ma halahi tu tano lalu didok halahi ma, “Tuhan do Debata; Tuhan i do na tutu Debata!”

1 JUJUR TAON 29:21

Ancogotna i, disambol halahi ma angka pahan-pahanan sihaulkonon gabe haul tu Tuhan, lalu dibagi-bagi muse ma tu rayat i. Tamba ni i, adong dope saribu nari lombu jantan, saribu biri-biri jantan dohot biri-biri jara-jara na nisambol jana na nitutung himpal saribu di ginjang ni langgatan i. Dihaulkon halahi muse ma dohot haul anggur.

ESTER 8:16

Dabu jana sonang ma roha ni halak Jahudi, marmoga-moga jana margodang ni roha.

MASMUR 18:28

Ho do hatiuranku, ale Tuhan Debatangku, Ho do na markuaso di hagolapanku.

MASMUR 37:6

PatangkasonNia ma haburjuonmu songon na tiur, marsinondang ma hadenggananmu songon mataniari.

HARURUAR 27:2

Baen ma martanduk di ganop suhi-suhina i. Angkon domu do gabe sada tanduk i dohot langgatan i jana nilampis dohot tumbaga do sudena i.

HARURUAR 38:2

Di ginjang ni suhi-suhina na opat i dibaen ia opat tanduk gabe songon na sada do i dohot langgatan i. Marlampis tumbaga do i sudena.

JESAYA 60:1

Jongjong ma ho, marsinondang ma ho, madung ro sinondang ni haluaanmu! Disondangi Debata ho marhite hamulianNa.

JESAYA 9:2

Bangso na mangolu di bagasan hagolapan, madung marnida sinondang na godang. Na maringanan di bagasan halinu ni hamatean madung disondangi hatiuran ni sinondang.

MIKA 7:9

Madung mardosa au tu Tuhan, hara ni i angkon taononku rimasNia. Tapi nada sadia honok nari, ampinanNia ma au jana lehenonNia hatigoran tu au. ObanonNia noma au haruar tu na torang; rasoanku sandiri ma sanga songon dia baenonNia paluahon hita.

MALEAKI 4:2

Tapi anggo tu hamu angka na mangkabiari Au, songon mataniari bincar do kuasongKu na paluahon dohot padumpangkon hamamalum di hamu. Malua do hamu jana marjop ni roha songon anak ni lombu na baru dipalua sian barana.

JOHANNES 8:12

Didok Jesus dope mangulahi tu halahi, “Au do sinondang ni portibi on. Dapotan sinondang hangoluan do sanga ise na mangihutkon Au. Nada be mardalan di na golap halahi.”

IBRANI 13:15

Hara ni i, sai tapuji-puji ma Debata markite-hite Jesus; i ma haul haluaan tuSia, na tahaulkon sian pandohan na tapajojor dohot pamanganta laho pasangapkon goarNia.

1 PETRUS 2:9

Tapi anggo hamu, bangso na Hupili do hamu, angka harajaan hamalimon, bangso na badia, bangso hapunjungan ni Debata. Ia do na mamiohon hamu haruar sian hagolapan anso masuk tu bagasan sinondangNia na tumorang i, anso pararatonmunu barita taringot tu angka pambaenanNia na godang i.