MASMUR 116:9 - BIBEL JAMITA NA DENGGAN

⁹ Gabe tola ma au dohot mangarasoi ngolu di tano on, di bagasan pangalinggoMi ni Tuhan.

MASMUR 116:9 ပူးပေါင်းရင်းမြစ်များ

PAMUNGKAAN 17:1

Di na marumur si Abram sambilan pulu sambilan taon, dipatidahon Tuhan ma diriNa tusia jana didok ma, “Au do Debata Na Gumogo. Oloi ma Au jana patulus tongtong sanga aha hagiotKu.

1 RAJA-RAJA 2:4

Muda dioloi ho Tuhan i, patulusonNia do janjiNia, i ma pomparanku gabe mamarenta di Israel, asal ma sude halahi sian sandok roha dohot ngolu ni halahi sai tongtong burju patulus angka parentaNia.”

1 RAJA-RAJA 8:25

Madung dijanjihon Ho muse tu damang muda dihaburjuhon pomparanna do mangoloi Ho laing songon ia, gabe tongtong ma adong sahalak sian pomparannia na gabe raja di Israel. Saonnari ale Tuhan Debata ni Israel hupangido tu Ho, anso patulusonMu nian na nijanjihonMu tu damang si Daud naposoMi.”

1 RAJA-RAJA 9:4

Muda disomba ho Au mardongan roha na ias songon amamu si Daud jana dioloi ho angka uhum dohot parentangKu,

MASMUR 27:13

Pos do rohangku daionku do hadengganan ni Tuhan dompak dison di hangoluan.

MASMUR 61:7

Sai mamarenta ia songon raja na nitodoMu ro di salolot ni lolotna. Ale Debata, linggomi ma ia marhite hasetiaanMu dohot holong ni rohaMu na so mantak i.

JESAYA 53:8

Ditahan do ia jana didabu uhuman, lalu hona oban tu panyambolan. Nada adong na parduli di bagiannia. Tutu do, mago ma ia sian tano ni halak na mangolu; gabe ia hona pukul hara ni dosa ni bangsongKu.

LUKAS 1:6

Jop do roha ni Debata marnida ngolu ni halahi na saripe. Rap sipangoloi do halahi na dua di parenta dohot paraturan ni Tuhan.

LUKAS 1:75

di bagasan habadiaan dohot hatigoran di adopanNia, salolot ni lolotna.