MASMUR 116:13 - BIBEL JAMITA NA DENGGAN

¹³ Obanonku ma anggur baen haul di Tuhan mandok tarimakasi hara ni pangurupiNa.

MASMUR 116:13 ပူးပေါင်းရင်းမြစ်များ

MASMUR 105:1

Mandok tarimakasi ma di Tuhan, paboa-boa hamu ma hagodanganNia. Caritohon hamu ma pambaenanNia di tonga-tonga ni angka bangso.

MASMUR 116:17

Obanonku ma haul tarimakasi tu Ho, lalu martangiang ma au tu Ho, ale Tuhan.

MASMUR 116:2

Ditangihon Ia do au, muda pio-pio au tuSia.

MASMUR 16:5

Ho sajo do, Tuhan na gabe bagianku; sude na porlu di au, lehenonMu; di tanganMu do ngolungku.

MASMUR 80:18

Gabe nada manyimbil be hami sian Ho, jagohon ma ngolunami, gabe pujionnami noma Ho.

JESAYA 12:4

Dapot do i hatihana marendei angka halak, “Mandok tarimakasi ma da tu Tuhan, pio ma goarNia mangido tolongan. Paboa ma tu angka bangso, hagodangan dohot sude pambaenanNia.

LUKAS 22:20

Laing songon i ma dung sidung mangan, dilehen Ia ma panginuman i, tu halahi jana didok Ia ma, “Anggo anggur on, i ma parjanjian na imbaru sian Debata, na nicap dohot mudarKu, mudar na niduruskon hara ni hamu].”

1 KORINTUS 10:16

Nada he panginuman hatarimakasion do on, na marhite i tadok tarimakasi, i ma na patuduhon na dung sada do hita hara ni mudar ni Kristus i? Jana nada he roti na tabagi-bagi i do na patuduhon hasadaonta di bagasan pamatang ni Kristus i?

1 KORINTUS 10:21

Nada tola hamu minum sian anggur ni Tuhan, diinum hamu muse sian panginuman anggur ni tondi na jahat i. Nada tola hamu mangan di meja ni Tuhan dohot muse di meja ni tondi na jahat.