MASMUR 116:11 - BIBEL JAMITA NA DENGGAN

¹¹ haru pe huambang di bagasan puntol ni pikiranku, “Sahalak pe nada adong haposan ni roha.”

MASMUR 116:11 ပူးပေါင်းရင်းမြစ်များ

2 RAJA-RAJA 4:16

Jadi didok si Elisa ma tusia, “Taon na ro songon on ma hatihana, marompa anak halaklahi ma ho inang.” “Ulang ma margabus amang!” nina dadaboru i. “Naposo ni Debata do amang!”

MASMUR 12:2

Sude do halahi, marsigabusan, manipu dohot angka hata na tabo tu parbinegean.

MASMUR 12:3

Antak ma hata ni pangalancap, ale Tuhan, pahohom ma parpamangan na bidang.

MASMUR 31:22

Mabiar do au anggo di hatiha i jana marpikir, “Madung dipaorot Tuhan au lakna sian adopanNa.” Hape madung habegean tu Ho pangidoanku, di na pio-pio au tu adopanMu.

MASMUR 62:9

Anggo jolma sangombus hosa do i na godang sanga na menek rap na so mararga do i. Muda nitimbang, tardapot ma halahi na nayang, numayang sian sangombus hosa.

SURAT NI SI PAULUS TU PARLAGUTAN ROM 3:4

Dao ma i! Angke anggo Debata sai sintong do tongtong, haru pe pargabus sude jolma. Songon na tarsurat i, “Anso tutu Ho tigor di bagasan angka hataMu, jana monang muda diuhumi Ho.”

1 SAMUEL 27:1

Marpikir ma si Daud di bagasan rohania, “Bagi na bia pe, di sada hatiha angkon laing bunuon ni si Saul noma au. Jadi nada adong be dalan na asing di au sian na maporus tu tano ni halak Pilistin. I noma mangantak si Saul manjalahi au di Israel jana gabe malua au.”