MASMUR 115:4 - BIBEL JAMITA NA DENGGAN

⁴ Anggo sisombaon ni halahi sere dohot perak sajo, na nitukangan ni tangan ni jolma do.

MASMUR 115:4 ပူးပေါင်းရင်းမြစ်များ

1 RAJA-RAJA 18:26

Jadi dipili halahi ma sada lombu jana dihobasi halahi. Dung sidung, martangiang ma halahi tu Baal lopus tonga ari laing marsurahi ma halahi, “Alusi hami, o Baal!” Di na mambaen songon i, laing torus-torus do halahi manortori humaliang langgatan na nibaen ni halahi i. Hape nada adong maralus bagi aha.

1 RAJA-RAJA 18:29

Songon i sajo ma halahi lopus potang ari songon dia ma jolma na susur-susuran; hape nada adong na mangalusi, nada adong na mampardulihon.

2 RAJA-RAJA 19:18

Ditutungi do angka debata ni halahi jana diropukkon, angke nada adong saotik pe gogo ni halahi. Hum hamaloan ni tangan ni jolma do mambaen halahi, patung sian hayu dohot sian batu.

2 JUJUR TAON 32:19

Dihatahon halahi ma taringot tu Debata na disomba di Jerusalem dos do i dohot angka debata ni bangso na asing, i ma angka patung na nipauli ni tangan ni jolma.

MASMUR 97:7

Sude na marsomba gana-ganaan dipaila, angka halak na mamuji dirina hara ni gana-ganaan. Sude debata marsomba sujut di jolo ni Tuhan.

JESAYA 37:19

Ditutungi jana ditapori halahi angka debatana, dibaen nada i Debata. Hum patung na nibaen sian hayu dohot batu sajo do i antong na nibaen ni tangan ni jolma; hara ni i do umbaen na bisa disegoi jolma.

JESAYA 42:17

Sanga ise na porsaya tu patung ni gana-ganaan. Angkon marbalik tu pudi jana dapotan hailaan i ma angka na mandok tu patung gana-ganaan: ‘Ho ma debatanami!’ ”

JESAYA 44:10

Parcuma do mambaen patung na nituang, dung i disomba ma i songon debata!

JESAYA 44:20

Tudos tu na mangan abu do pangalaho i. Songon i ma liluna dibaen pikiran na oto i, gabe nada haurupan be ia. Nada ra ia mangoku tu dirinia sandiri, anggo patung na di tangannia i sanga na bia pe nada Debata i.

JESAYA 44:9

Na so labo do sude halak sibaen patung sisombaon jana angka barang na nihajopkon ni roha ni halahi i pe nada mararga. Na mapitung jana na bodo do angka na marsomba tu patung i, jadi hara ni i angkon marlayas do halahi baenon.

DANIEL 3:5

Muda mangkuling sarune, ihut muse sora ni suling, hasapi, arbap, gambus, sordam dohot sora ni uning-uningan, angkon tungkap ma hamu marsomba tu patung sere na nipajongjong ni Raja Nebukadnesar on.

DANIEL 5:23

Padorgak diri do raja i maradopkon Na Markuaso di banua ginjang i jana puluk do raja i marsuru maroban masuk angka mangkuk na hona rampas sian Bagas Na Badia i. Dung i minum anggur ma raja i, angka na sangap, angka dadaboruna be songon i dohot angka gundik ni raja i sian mangkuk na ni rampas i. Dipuji-puji raja i do angka debata na dibaen sian sere, perak, tumbaga, bosi, hayu dohot batu, i ma angka debata na so marnida sanga marbinege sanga mangastui bagi aha. Nada dipasangap raja i Debata na manontuhon ngolu dohot hamamate ni raja i dohot na manontuhon pardalanan ni ngolu ni raja i.

HOSEA 8:6

Lombu sere na di Samaria i karejo ni tangan ni angka na pande do i di Israel! Nada Debata na nisomba ni halahi i, jadi angkon taporhonon do i!

BAENON NI ANGKA RASUL 19:26

Saonnari madung tangkas diida jana dibege hamu sandiri sanga aha na nibaen ni si Paulus. Didok ia, anggo angka debata na nibaen ni tangan ni jolma, nada tutu i debata. Jana madung marbalik bahat halak dibaen ia gabe mangkaporsayai na niajarkonnia i. Nada hum di Epesus on sajo, tapi bolas dohonon madung sudena halak na saluat Asia on.

BAENON NI ANGKA RASUL 19:35

Ujungna tarpahohom juarotulis ni kota i do halak na bahat i. Mandok hata ma ia, “Hamu halak Epesus! Sude do halak umboto, kota Epesus on do na pature-turehon bagas paribadatan ni Dewi Artemis na godang dohot patungnia na madabu sian ginjang.

PANGARATAION 4:28

Marsomba tu angka debata na nibaen ni tangan ni jolma ma hamu disi, tu angka debata na sian hayu dohot batu, na so marnida sanga marbinege, na so tarbaen mangan sanga marnianggo.