MASMUR 115:13 - BIBEL JAMITA NA DENGGAN

¹³ Sude halak na pasangap Ia, na menek sanga na magodang, giot pasupasuonNia.

MASMUR 115:13 ပူးပေါင်းရင်းမြစ်များ

MASMUR 112:1

Martua ma na burju na marjop ni roha patuluskon parenta ni Tuhan.

MASMUR 128:1

Martua ma halak na mabiar mida Tuhan, jana na mangolu mangihutkon parentaNa.

MASMUR 29:11

Sai dipargogoi Tuhan ma bangsoNia, jana mangalehen hasonangan di halahi.

PARJAMITA 8:12

Haru pe dibaen sada pardosa saratus hajahatan, laing totop do ia mangolu jana umurna ginjang. Ninna, sanga ise na mangoloi Debata, mur maradu mura do ngoluna.

MALEAKI 4:2

Tapi anggo tu hamu angka na mangkabiari Au, songon mataniari bincar do kuasongKu na paluahon dohot padumpangkon hamamalum di hamu. Malua do hamu jana marjop ni roha songon anak ni lombu na baru dipalua sian barana.

LUKAS 1:50

Sian sundut tu sundut do holong ni rohaNia maradopkon halak na mabiar tuSia.

BAENON NI ANGKA RASUL 13:26

Hamu ale angka dongan pinompar ni si Abraham, bope sude angka dongan na asing na adong dison, angka na mangkabiari Debata! Madung ditongos Debata tu hita Jamita haluaan i;

BAENON NI ANGKA RASUL 26:22

Tapi hape laing diondihon Debata do au lopus saonnari, gabe tarbaen au jongjong dison, anso hupatorang hasaksianku tu sude halak – na magodang dohot na menek. Sude na hupardokkoni on nada asing sian na dung nipaboa ni angka panurirang hian bope si Musa;

KOLOSSE 3:11

Hara ni sasudena i gabe mago ma angka parasingan ni halak Jahudi dohot na so Jahudi, halak na marsunat dohot na so marsunat; nada adong be parasingan ni angka bangso; nada adong be hatoban sanga na mardeka; angke hum Kristus noma sasudena. Mardomu do Kristus dohot halahi sudena!

HALUMBAAN 11:18

Madung muruk do angka bangso, tapi madung ro haririmasMu, dohot hatiha anso ni uhum halak na mate i. Dung i anso dilehen Ho upa di angka naposoMu, i ma angka panurirang, di angka na badia dohot angka na manghabiari goarMu, angka na menek dohot na magodang, jana segohononMu ma angka na manyego-nyego tano on.”

HALUMBAAN 19:5

Jadi tarbege ma sian habangsa i hata na mandok, “Puji ma Debatanta, ale hamu angka naposoNia, hamu angka na mabiar mida Ia, bope na menek, bope na magodang!”

HALUMBAAN 20:12

Jana huida ma angka halak na mate, na menek dohot na magodang rap jongjong di jolo ni habangsa i. Dibuka ma dohot angka buku, dung i dibuka muse ma sada buku na asing, i ma buku hangoluan. Jana di hatiha i ma didabu uhuman tu angka halak na dung mate, satongtang tu pambaenan ni halahi di hatiha na salpu marguru tu na tarsurat di bagasan angka buku i.