MASMUR 115:12 - BIBEL JAMITA NA DENGGAN

¹² Diingot Tuhan do hita jana pasupasuonNia do hita, pasupasuonNia do bangso Israel dohot horong ni si Harun.

MASMUR 115:12 ပူးပေါင်းရင်းမြစ်များ

PAMUNGKAAN 8:1

Nada dihalupahon Debata si Noak rap dohot sude binatang na adong di bagasan kapal i; mangombus ma alogo dibaen Debata gabe mamungka ma surut aek i.

MASMUR 135:19

Puji ma Tuhan, ale bangso Israel, puji hamu ma Ia, ale angka malim ni Debata!

MASMUR 136:23

Nada dihalupahon Ia hita dompak ditaluhon hita, hot do holong ni rohaNia sapanjangna.

MASMUR 25:7

Sesa ma dosa dohot hasalaan di hatiha haposoonku, ingot ma au, hombar tu holong dohot denggan ni rohaMu.

MASMUR 67:7

Madung dipasupasu Debata hita, sai sude ma nian na satano on pasangapkon Ia.

JESAYA 44:21

“Ale Israel, ingot ma tongtong, na Hubaen ho naposongKu. Tutu do, ho ma antong naposongKu nada be ho halupahononKu.

BILANGAN 6:27

Dung i didok Tuhan, “Muda didok halahi goarKu mamasumasu bangso Israel pasupasuonKu ma halahi.”

BAENON NI ANGKA RASUL 10:4

Diligi ia ma tu surusuruan i mardongan biar, didok ia ma, “Aha do ulaning Tuan?” Dialusi surusuruan i ma, “Madung dijagit Debata tangiang dohot denggan ni rohamu jana diingot Debata do ho.

BAENON NI ANGKA RASUL 3:26

I do umbaen na nipili ni Debata NaposoNia, jana hamu do na parjolo didapotkon Ia anso dipasupasu Ia hamu, dohot paubahon rohamunu sudena sian ngolumunu na jahat i.”

GALATIA 3:14

Dibaen Kristus Jesus pe songon i anso laing dilehen do tu angka bangso na asing pasupasu na nijanjihon ni Debata tu si Abraham i. Dung i hita na porsaya tu Debata, tola ma manjagit Tondi na nijanjihon ni Debata i.

GALATIA 3:29

Muda nampuna ni Kristus do hamu, gabe pomparan ni si Abraham ma hamu. Marhak do hamu manjagit sanga aha na dung nijanjihon ni Debata.

EPESUS 1:3

Pinuji ma Debata, Ama ni Tuhanta Jesus Kristus! Dipasupasu Ia do hita dohot sude ragam-ragam ni pasupasu partondion sian banua ginjang, hara ni na dung mardomu i hita dohot Kristus.