MASMUR 114:4 - BIBEL JAMITA NA DENGGAN

⁴ Mangambur-ambur angka dolok songon hambeng randuk, jana angka tor pe mangalumpat-lumpat songon anak ni biri-biri.

MASMUR 114:4 ပူးပေါင်းရင်းမြစ်များ

MASMUR 18:7

Dung i humutur ma tano bope bona ni dolok humutur, harana muruk ni Debata madung gurgur.

MASMUR 29:6

Mangambur-ambur Dolok Libanon dibaen Ia, songon dia ma anak ni lombu jara-jara. Dolok Siryon marhujinjang dibaen Ia songon pangalaho ni anak ni bedu.

MASMUR 39:6

nada lobi sian halinu. Nada adong arti ni sude halojaonna. Dipalagut ia arta, hape so dibotosa sanga ise na giot mamakesa.

MASMUR 68:16

Biasi ma manatap mangiburu ho Dolok Basan sian puncutna na bahat i tu Dolok Sion na nitodo ni Debata baen ingananNa? Angke i do na gabe Parmianan Ni Tuhan salolot-lolotna.

HARURUAR 19:18

Ditutupi timus ma sudena Dolok Sinai i, angke madung mijur Tuhan tu ginjangna i songon api tompana. Martimbual ma timus idaon songon timus sian tataring, jana humutur ma dolok i gogo sajo.

HARURUAR 20:18

Disi dibege angka jolma i ronggur dohot sora ni sarune i jana diida halahi dohot hilap bope dolok na martimus i, humitir ma halahi mabiar jana mandao ma halahi jongjong.

NAHUM 1:5

Humutur do angka dolok muda ro Tuhan; gabe malala do angka tor di adopanNia. Muda masuk Tuhan, humutur ma portibi, humutur ma tano dohot sude pangisina.

HABAKUK 3:6

Muda jongjong Ho, humutur ma tano; muda manatap Ho, humitir ma angka bangso. Mangkahoping ma angka dolok sian najolo; angka tor sian narobi gabe marondo, di angka tanggurung ni tor i ma mardalani Ho di hatiha na robi.

HABAKUK 3:8

Maradopkon angka batang aek ma he? Maradopkon angka batang aek ma he hamumurukMu? Dipanaek Ho do ombun songon tompangan, di na nilehenmu di bangsoMu hamonangan.

HALUMBAAN 20:11

Dung i huida ma sada habangsa na godang, jana na bontar. Huida muse do Ia na juguk di habangsa i. Mago ma langit dohot tano sian joloNia lopus nada haidaan.