MASMUR 114:2 - BIBEL JAMITA NA DENGGAN

² dijadihon Tuhan ma Juda gabe habadiaanNa, Israel dibaen Ia gabe luat hakuasoonNia.

MASMUR 114:2 ပူးပေါင်းရင်းမြစ်များ

HARURUAR 15:17

Ho do pataruhon halahi masuk, jana pahotkon halahi di ginjang ni dolokMu, inganan na nitodoMu gabe inganan parmiananMu; bagas na nipajongjongMu.

HARURUAR 25:8

Suru ma anso dibaen bangso i di Au sada Bandar Na Badia, anso maringanan Au di tonga-tonga ni halahi.

HARURUAR 6:7

Gabe bangsongKu ma hamu baenonKu jana Au gabe Debatamunu. Anso diboto hamu, Au do Tuhan Debatamunu di na Hupalua hamu sian parhatobanon di Mesir.

HAMALIMON 11:45

Au do Tuhan na maroban hamu ruar sian Mesir, anso gabe Au Debatamunu. Angkon badia do hamu angke na badia do Au.

PANGARATAION 23:14

Jagohon hamu anso tong-tong ias bandarmunu i, dibaen didongani Tuhan Debatamunu do hamu di bandarmunu i laho mangondihon hamu dohot mangalehen hamonangan di hamu maralohon musumunu. Ulang ma baen hamu pangalaho na so tama na mambaen marbalik Tuhan sian hamu.”

PANGARATAION 27:12

“Dung ditaripari hamu Batang aek Jordan, angkon jongjong do Marga Simeon, Levi, Juda, Isakar, Josep dohot Benyamin di Dolok Gerisim di hatiha na pasahatkon hata pasupasu tu bangso on.

PANGARATAION 27:9

Dung i rap ma si Musa dohot angka Malim Levi mandok tu sude bangso Israel, “Parate-atehon hamu ma ale bangso Israel, jana tangihon hamu ma! Di ari sadari on, madung gabe bangso ni Tuhan Debata hamu.

PANGARATAION 7:6

Baen hamu ma sudena i, dibaen bangso na badia di Tuhan Debatamu do hamu. Sian sasude bangso na di sisik ni tano on, hamu do na nipiliNia na gabe bangso hapunjunganNia.

HALUMBAAN 21:3

Dung i hubege ma sada sora na gogo sian habangsa i mandok, “Ligi ma, bandar ni Debata adong di tonga-tonga ni jolma, jana maringanan ma Ia di tonga-tonga ni halahi. Gabe Ia noma Debata ni halahi, jana halahi ma gabe bangsoNia.