MASMUR 113:9 - BIBEL JAMITA NA DENGGAN

⁹ Tu ina na so maruntungan dilehen Ia dakdanak, dibaen Ia do i gabe ina na martua. Puji ma Tuhan!

MASMUR 113:9 ပူးပေါင်းရင်းမြစ်များ

PAMUNGKAAN 25:21

Dibaen nada maruntungan si Ribka, martangiang ma si Ishak tu Tuhan salaho tu dongan saripenia i. Jana dipatalus Tuhan do tangiang ni si Ishak i, jana denggan ma pamatang ni si Ribka.

2 RAJA-RAJA 4:17

Tapi tutu do na nidok ni si Elisa i. Di taon na mangihut, hira-hira di hatiha na sarupa, sorang ma sada anak ni dadaboru i halaklahi.

MASMUR 68:6

Dilehen Ia do inganan di halak na tarpunjung dilehen Ia haluaan dohot hatuaan di halak na tarhurung. Hape anggo halak na mangalo Tuhan, angkon maringanan do di tano na harsang.

JESAYA 54:1

Marsurak-surak ma, o ale na so maruntungan, na so jungada manyorangkon! Marjop ni roha jana marsurak ma ho marmoga-moga, ale ho na so jungada manaon parhancitan i. Harana umbahat do dakdanak ni na so marhalaklahi sian na marhalaklahi, ninna Tuhan.

BILANGAN 5:28

Tapi muda na so marsala do ia, nada hona bura i, jana tarbaen dope ia tubuan anak.

GALATIA 4:27

Angke tarsurat do di Buku Na Badia i, “Marjop ni roha ma ho ale ina na so maruntungan na so jungada manubuhon dakdanak! Marmoga-moga ma ho jana marsurak-surak, ale ho na so jungada mangae manubuhon anak! Harana dadaboru na nitadingkon ni halaklahina umbahat dope dapotsa dakdanak ulang pado dadaboru na rap dohot halaklahina.”

1 SAMUEL 2:5

Halak na butongan hian najolo i hara ni sipanganon na marlobi. Saonnari gabe pangomo-omo hum anso dapotan sipanganon sajo. Halak na tangkuraparon najolo, saonnari marsonang-sonang, tuk panganonna. Dadaboru na so maruntungan, saonnari marhamogaan, manubuhon pitu dakdanak! Hape anggo ina sibahat anak, ditadingkon, dipadiar marsak.