MASMUR 113:6 - BIBEL JAMITA NA DENGGAN

⁶ Tapi manatap do Ia tu toru, paligi-ligi sandok na nitompaNa.

MASMUR 113:6 ပူးပေါင်းရင်းမြစ်များ

JOB 15:15

Salangkan tu surusuruan pe so na porsaya Debata; nada ias halahi diida Ia.

JOB 28:24

hara na niidaNia do angka topi ni tano; sude na di toru ni langit dipamanat Ia do.

JOB 4:18

Salangkan angka naposo ni Debata di banua ginjang, so na haposan i diSia. Di angka surusuruanNia pe, tardapot Ia do marsala jana na lipe.

MASMUR 11:4

Maringanan Tuhan di BagasNa na badia, marhabangsa di banua ginjang do Ia. Angka jolma i sai dipaligi-ligiSa, sude karejo ni halahi diboto Ia.

MASMUR 138:6

Na godang do Ho, hape laing diparrohahon Ho muse do halak na menek, nada tarbaen halak siginjang roha martabuni sian joloMu.

MASMUR 33:14

Dipamanat-manat Tuhan do sian habangsaNia sandok na maringanan di portibi.

JESAYA 57:15

Angke songon on do pandok ni Na Gumincat jana Na Marmulia na marhabangsa salolotna jana Na Sun Badia goarNa: “Di inganan na gincat jana badia do habangsangKu, tapi rap muse do dohot halak na magopu jana na toruk rohana, laho pangoluhon arop ni roha ni halak na toruk roha dohot laho pangoluhon roha ni halak na magopu.

JESAYA 6:2

Jongjong do humaliang Ia angka Serafim na marjilam songon api, na marhabong onom be. Dua habongna i manutupi bohina, dua manutupi patna jana habongna na dua nari dipake laho habang.

JESAYA 66:2

Nada he tanganKu do mambaen sasudena umbahen masa na songon on? Songon i do pandok ni Tuhan. Tapi tu halak si songon on ma nolnol Au marnida, jolma na tartindas dohot na maheu, na mabiar tu hatangKu.