MASMUR 112:9 - BIBEL JAMITA NA DENGGAN

⁹ Dilehen ia do sidoka tu halak na pogos, jana dibagihon ia sinadonganna sian burju ni rohana; sai marpupu do ia mambaen na denggan, hara ni i ma umbaen na markuaso ia jana dipasangap.

MASMUR 112:9 ပူးပေါင်းရင်းမြစ်များ

MASMUR 111:3

Na tongam jana tarpuji do sude karejo ni Tuhan, hot do hatigoranNa sapanjang.

MASMUR 112:3

Makmur jana maradong ma di bagasna, marhasonangan ma ia sapanjangna.

MASMUR 75:10

TipulkononNia ma hagogoan ni parjahat, hape anggo halak na burju mur margogo ma.

MASMUR 92:10

Dibaen Ho gogongku songon gogo ni lombu jonggi, jana dipasupasuhon Ho tu au hatuaan.

MASMUR 92:11

Madung huida musungku ditaluhon, madung hubege angguk ni angka halak na jahat.

PODA 14:24

Tarpuji do halak na marroha hara ni habisuhonna; marlayas halak na oto hara ni haotoonna.

PODA 19:17

Mangurupi halak na pogos tudos do na pasalihon tu Tuhan; laing Tuhan muse ma na paulakkon.

PODA 21:26

Sasadari hum na marangan-angan do ia salaho tu por ni rohania. Hapengani anggo halak na burju mangoloi Debata mangalehen do maradu marlobian.

PARJAMITA 11:6

Angkon manyuan ma ho dompak manyogot ari baen muse ma songon i di borngin ni ari. Angke nada taboto sanga na dia na denggan partubuna. Ra muse do gabe dua-duana rap denggan partubuna.

PARJAMITA 3:6

Adong do hatiha laho padapotkon dohot hatiha agoan; hatiha laho pasimpankon dohot hatiha marabur-abur.

JESAYA 32:8

Tapi anggo halak na burju roha sai na tigor do i jana pir do i mampartahankon na tigor.

JESAYA 58:10

Usehon ma rohamu tu halak na malean, jana pasombu ma roha ni halak na targogot. Muda dibaen hamu songon i gabe bincar ma sinondangmunu di bagasan hagolapan jana hagolapanmunu gabe songon torang ni ari.

JESAYA 58:7

Bagi hamu ma panganonmunu tu halak na malean jana jagit hamu ma masuk tu bagasmu angka halak na mompas-ompas. Muda diida hamu halak na marsaemara lehen hamu pakean tu halahi, jana ulang tulak hamu sisolkotmu na manghaporluhon pangurupionmu.

MATEUS 6:4

Indangkon pola adong halak na umbotoan i. Diida Amangmunu na di banua ginjang i do sanga aha na nibaenmunu di na so pamotoan ni halak. Jadi, lehenonNia ma upana di hamu.”

MARKUS 14:7

Anggo halak na pogos tongtong do adong di tonga-tongamunu. Sanga sadihari anggo na ra do hamu, tarurupi hamu do halahi. Tapi anggo Au nada tongtong di lambungmunu.

LUKAS 11:41

Na adong di bagasan mangkuk dohot pingganmunu i, i ma nian silehenonmunu tu angka halak na pogos. Di pangalaho na songon i ma gabe ias sudena i di hamu.

LUKAS 12:33

Gadis ma sude sinadonganmunu, jana lehen hamu ma i gabe asi-asi. Pature hamu ma di hamu angka huncang na so ra buruk, arta parbanua ginjang na so ra abis, na so hadonohan ni panangko jana nada tarpasego ngitngit.

LUKAS 16:9

Dung i mandok hata ma Jesus mangulahi. Didok Ia ma, “Tangihon hamu ma jolo on: Pargunahon hamu ma mammon na geduk laho manjalahi dongan, anso dijagit hamu di inganan na hot muda dung so adong be sinadongan na di tano on.

LUKAS 18:22

Umbege na songon i, didok Jesus ma tusia, “Laing adong dope sada nari na angkon sibaenonmu: Gadis ma sude na adong di ho, jana lehen ma i tu halak na pogos; anggo i dapot ho ma arta na di banua ginjang. Dung i beta ma ihutkon Au.”

JOHANNES 13:29

Adong deba na marpikir, na disuru Jesus do si Judas manobusi na porlu tu pesta i sanga betak na nisuru ni Jesus si Judas mangalehen hepeng saotik tu angka na pogos – harana si Judas do sitiop hepeng kas ni halahi.

BAENON NI ANGKA RASUL 20:35

Sanga taringot tu pasal bagi aha pe, madung hupatidahon di hamu tiruan na patuduhon angkon urupanta do halak na so margogo markite-hite na marsitutu karejo. Angke angkon ingotonta do, na nidok ni hata ni Tuhan i, ‘Martuaan do halak na mangalehen sian na manjagit.’ ”

BAENON NI ANGKA RASUL 4:35

jana dipasahat halahi ma i tu angka rasul i. Dung i dibagi-bagihon ma hepeng i tu halak na mangkaporluhon.

SURAT NI SI PAULUS TU PARLAGUTAN ROM 12:13

Urupi hamu ma na patukkon haporluan ni angka halak na porsaya tu Debata jana sonang ma rohamunu manjagit haroro ni halahi tu bagasmunu.

2 KORINTUS 8:9

Angke tangkas do diboto hamu, holong situtu do roha ni Jesus Kristus Tuhanta i maradopkon hita. Na mora do Ia nian, tapi gabe marpogos do Ia hara ni hamu, anso mamora hamu hara ni hapogosonNia i.

PANGARATAION 15:11

Sai adong do dapot piga-piga halak na pogos dohot na hurangan di tonga-tonga ni halak Israel. Jadi hara ni i, Huparentahon tu hamu anso basa rohamunu tu halahi.”

PANGARATAION 15:14

Sian basa ni roha, lehen hamu ma tusia sanga aha na nibasa-basahon ni Tuhan tu hamu – biri-biri, gandum dohot anggur.

PANGARATAION 24:13

tapi angkon paulahonmu do i tusia ganop borngin, anso tarpake ia pakean i modom. Jadi gabe mandok tarimakasi ma ia jana lomo ma roha ni Tuhan Debatamu tu hamu.

1 TIMOTEUS 6:18

Paingot ma halahi laho patuduhon hadengganan, laho patupahon bahat pangalaho na denggan, habasaon dohot haburjuon mangalehen.

IBRANI 13:16

Ulang lupa hamu mambaen na denggan bope na marsiurup-urupan, angke na songon on do haul na pasonangkon roha ni Debata.

IBRANI 6:10

Nada Debata na so tigor. Nada halupahononNia sanga aha na denggan na nibaenmunu tuSia. Sai na ingotonNia do holong ni roha na nipatuduhonmunu tuSia di bagasan pangurupionmunu na nipasahatmunu maradopkon angka dongan Kristen na asing i. Jana lopus saonnari pe laing dilehen hamu do pangurupion i.

HALUMBAAN 22:11

Barang ise na mambaen hageduhan, dipupu ia ma mambaen hageduhan i, jana barang ise na hodar dipahodar ia ma dirina; dung i barang ise na tigor roha, dipupu ia ma mambaen hatigoran, jana barang ise na badia, diparbadiai ia ma dirina.”

1 SAMUEL 2:1

Dung i martangiang ma si Hanna, ning ia ma, “Dipajop Tuhan do rohangku, pambaenanNia do na pasonang tondingku. Huincahi musungku; gabe martua ma au, angke tutu do na dung diurupi Debata au.

1 SAMUEL 2:30

Au Tuhan Debata ni Israel, na dung Hujanjihon do najolo, horongmu dohot margamu do na giot parkobas di Au gabe malim sapanjangna. Tapi saonnari Au mandok, nada Huhagioti be na songon i! Angka na pasangapkon Au do na giot pasangaponKu tapi anggo na palayas Au, palayasonKu do.