MASMUR 112:7 - BIBEL JAMITA NA DENGGAN

⁷ Nada mabiar ia manjagit barita na jat, porsaya do ia tu Tuhan jana togu rohana.

MASMUR 112:7 ပူးပေါင်းရင်းမြစ်များ

JOB 11:15

Gabe benget ma iba jana margogo mangadopi ngolu. Hot ma parjongjongmu togu jana nada pola be marganggu.

MASMUR 118:6

Nada mabiar au, angke didongani Tuhan do au, nada margogo anggo jolma maradopkon au.

MASMUR 34:4

Martangiang au, gabe dialusi Tuhan, dipalua Ia do au sian sandok sihabiaran.

MASMUR 49:6

angka halak na jahat na mangasahon hakayoanna, jana na manghaginjangkon sinadonganna.

MASMUR 57:7

Dabu rohangki, ale Debata, dabu rohangki, marende noma au jana mamuji.

MASMUR 62:8

O hamu bangsongku, sai tu Debata ma hamunu mararop roha, usehon ma isi ni rohamu tuSia, angke Ia do inganan parsiholipanta.

MASMUR 64:10

Gabe marmoga-moga ma sude halak na burju hara ni sasude na nibaen ni Tuhan. Marpangondian tuSia ma halahi, pujion ni sude halak na tigor ma Ia.

PODA 1:33

Tapi anggo halak na manangihon au tarjamin do. Aman ngoluna jana nada porlu mabiar ia.”

DANIEL 3:16

Jadi ro ma alus ni si Sadrakh, si Mesakh dohot si Abednego tu Raja Nebukadnesar: “Nada adong gunana alusannami ho anggo taringot tu nanidokkonmi.

LUKAS 21:19

Muda martahan hamu jana sobar, dapotan ngolu ma hamu.”

LUKAS 21:9

Ulang pola mabiar muse hamu umbege barita taringot tu angka porang dohot hagaoran. Angke angkon jolo masa do sudena i. Tapi i pe nada na giot ari parpudi dope.”

JOHANNES 14:1

Didok Jesus ma, “Ulang pola marsak rohamunu. Porsaya ma hamu tu Debata jana porsaya ma hamu tu Au.

BAENON NI ANGKA RASUL 20:24

Tapi nada pola hupardulihon ngolungkon, asalkan ma hupasidung karejo na nipasahat ni Tuhan Jesus tu au jana asal ma sai burju au lopus tu ujung ni ngolungku laho manjamitahon Jamita Na Denggan i, i ma taringot tu asi ni roha ni Debata.

BAENON NI ANGKA RASUL 21:13

Tapi dialusi ia ma, “Aha ma he gunana martangisan hamu songon on, hum mangarsahi ate-atengku do i. Angke nada hum nirahutan au rade, tapi na rade do au mate di Jerusalem humopkop goar ni Tuhan Jesus.”

BAENON NI ANGKA RASUL 27:25

Jadi hara ni i hamu ale angka dongan, angkon godang ma rohanta! Angke pos do rohangku di Debata, angkon tulus do sudena na nidokNia i tu au.