MASMUR 112:5 - BIBEL JAMITA NA DENGGAN

⁵ Martua ma halak na jop roha painjamkon jana na jujur di sude siuruson.

MASMUR 112:5 ပူးပေါင်းရင်းမြစ်များ

NEHEMIA 4:13

Jadi gabe hubagi-bagihon ma podang, tombak, dohot panah tu rayat i, lalu hubaen ma inganan ni halahi mangihutkon horongna be di balik ni tembok i di angka inganan na so sidung dope dipadenggan.

MASMUR 37:21

Manginjam do halak parjahat tapi nada dipaulak, hape anggo halak na burju sai basa do jana ringgas mangalehen.

PODA 12:2

Dihajopkon Tuhan do halak na burju, tapi diburai Ia do halak na paoto-otohon.

PODA 17:18

Hum halak na bodo do, na manjamini angka utang ni donganna.

PODA 18:9

Sarupa do jahat ni halak na losok karejo, dohot halak na sai mambaen sego.

PODA 2:20

Hara ni i, ale anakku, tiruan ni halak na denggan ma ihutkon, jana jagohon ma dalan-dalan ni halak na tigor.

PODA 24:27

Ulang marrumahtangga, anggo so jolo diparade ho ladangmu jana adong pancarianmu.

LUKAS 23:50

Adong ma sada halak na margoar si Josep, sian Arimatea na di Luat Judea. Halak na burju do ia na nipasangap ni halak jana sai dipainte ia do sanga andigan hatihana Debata mamungka mamarenta songon Raja. Haru pe anggota ni Rapot Godang ni Ugamo ia, nada dohot-dohotan ia di haputusan dohot pambaenan ni Rapot Godang i.

LUKAS 6:35

Anggo sapatutna nada songon i! Anggo hamu angkon suhar-suhar ni i do. Angkon haholonganmunu do musumunu jana baen hamu ma na denggan tu halahi. Angkon lehenonmunu do manginjam jana ulang pola arop rohamunu dapotan garar mangulahi. Godang do dapot hamu upa ni i jana gabe anak ni Debata Na Gumincat i ma hamu. Angke anggo Debata, denggan do dibaen Ia maradopkon angka na so malo mandok tarimakasi, songon i muse laing denggan do dibaen Debata maradopkon halak na jahat.

JOHANNES 6:12

Dung butong na mangan i, didok Jesus ma tu angka siseanNia i, “Palagut hamu ma teba-teba ni panganon i ulang adong na sayang.”

BAENON NI ANGKA RASUL 11:24

Na dengganan do roha ni si Barnabas on jana na nirajaan ni Tondi Parbadia boti porsaya situtu do ia tu Tuhan, jadi gabe bahat do halak na mangihutkon Tuhan i.

SURAT NI SI PAULUS TU PARLAGUTAN ROM 12:11

Ulang ma nian sumurut hariringgasmunu i, marsigorgor ma tondimu laho mangoloi Tuhan i.

SURAT NI SI PAULUS TU PARLAGUTAN ROM 5:7

Humopkop halak na tigor pe, maol do jolma ra mate. Anggo humopkop halak na burju betak adong dope jolma na puluk mate.

EPESUS 5:15

Hara ni i, pamanat hamu ma dohot denggan pardalan ni ngolumunu. Ulang songon halak na oto ngolumunu, songon halak na marroha ma hamu.

PILIPPI 1:9

On do tangiangku salaho tu hamu: Anso nian mur mabagas holong ni rohamunu mardongan parbinotoan na sintong bope dohot panatapan na tumbuk,

KOLOSSE 4:5

Di angka pardomuanmunu tu angka halak na so porsaya malo ma hamu na mangolu i jana ganop adong hatiha na tumbuk, pake hamu ma i sadenggan-dengganna.