MASMUR 112:10 - BIBEL JAMITA NA DENGGAN

¹⁰ Diida halak na jahat ma i jana milas rohana, patungaripon halahi hara ni sogo ni rohana. Gabe mago ma halahi nada adong be arop ni roha sapanjangna di halahi.

MASMUR 112:10 ပူးပေါင်းရင်းမြစ်များ

NEHEMIA 2:10

Tapi di na tarbege tu si Sanbalat halak Bet-Horon i dohot tu si Tobia halak Amon i bahaso na dung ro au i ma taringot tu haporluan ni bangso Israel, gabe lebak sajo ma dihilala halahi.

JOB 20:7

hape na giot mago do ia salolot-lolotna, mago sian tano di bagasan pangalaho nabile. Angka halak na unjung manandasa, gabe marsapa, ‘Oh, na tu dia do kehena?’

JOB 8:13

Songon i ma da halak na so marTuhan. Lupa ia tu Debata, gabe mago ma pangaropan.

MASMUR 37:12

Parjahat i martahi na jahat, jana magigi do Ia paida-ida halak na daulat.

MASMUR 86:17

Patangkas ma hadenggananMu tu au, anso maila sanga ise na magigi mida au, muda diida halahi bahaso, Ho ale Tuhan, madung mangurupi dohot mangapoi au.

PODA 10:28

Arop ni roha ni halak na denggan mambaen ia marjop roha; arop ni roha ni halak na jahat do na soada.

PODA 11:7

Mago do arop ni roha ni halak parjahat di hamateannia, jana nada marguna arop ni rohania i.

MATEUS 22:13

Gabe didok raja i ma tu angka naposonia, ‘Tambat ma pat ni bayo on dohot tanganna i, dung i ambungkon hamu tu balian tu inganan na golap i. Disi ma ia tangis jana patungaripon.’ ”

MATEUS 8:12

Hape anggo na patut hian gabe parsidohot di Harajaan i, ambungkononkon ma tu hagolapan di balian. Tangis-tangis ma halahi disi jana patungaripon.”

LUKAS 13:28

Dung diida hamu si Abraham dohot si Ishak dohot si Jakob dohot sude angka panurirang marsonang-sonang di Harajaan Ni Debata, gabe tangis ma hamu jana mardangol situtu angke anggo hamu sandiri ambungkonon do tu ruar!