MASMUR 111:1 - BIBEL JAMITA NA DENGGAN

¹ Sian sandok rohangku, sai mandok tarimakasi do au tu Tuhan di tonga-tonga ni parpunguan ni bangsoNa.

MASMUR 111:1 ပူးပေါင်းရင်းမြစ်များ

MASMUR 103:1

Puji ma Tuhan, ale tondingku jana sude rohangku mamuji goarNa na badia i.

MASMUR 106:1

Mandok tarimakasi ma tu Tuhan, angke burju do Ia; hot do manongtong holong ni rohaNia.

MASMUR 106:48

Puji ma Tuhan, Debata ni Israel, saonnari dohot salolot-lolotna. Sude ma halak mandok, “Amen!” Puji ma Tuhan!

MASMUR 107:32

Di tonga-tonga ni bangsoNia dipatuginjang halahi hagodanganNia, jana dimaujana ni na tobang-tobang dipuji halahi Ia.

MASMUR 108:3

O Tuhan, giot mandok tarimakasi do au tu Ho di tonga-tonga ni angka bangso. Por rohangku mangendehon puji-pujian di Ho di tonga-tonga ni jolma manusia.

MASMUR 109:30

Marsora na gogo pio-pio au tu Ho, ale Tuhan, hupuji do Ho di tonga-tonga ni punguan ni bangsoMu.

MASMUR 138:1

Sai giot mandok tarimakasi do au tu Ho, ale Tuhan, sian sude rohangku. Di jolo ni sude debata, huendehon puji-pujian di Ho.

MASMUR 149:1

Endehon ma ende na imbaru di Tuhan, puji ma Ia di tonga-tonga ni parluhutan ni bangsoNia!

MASMUR 22:23

Hamu angka na daulat marroha, puji hamu ma Ia! Ale pomparan ni si Jakob pasangap ma Ia! Ale pomparan ni Israel, marsomba ma hamu tuSia!

MASMUR 22:25

Pujionku ma Tuhan di tonga ni punguan ni bangso i, hara ni sude angka na dung dibaen Ia. Di adopan ni umat i na manghabiari Tuhan, huhaulkon haul na hujanjihon.

MASMUR 35:18

Jadi mandok tarimakasi ma au di tonga-tonga ni bangsoMu, jana di parlagutan ni halahi pujionku ma goarMu.

MASMUR 89:5

Ale Tuhan, dipuji na marlagut di banua ginjang i do karejoMu na godang i, hasetiaonMu diendehon angka pardibanua ginjang.

MASMUR 89:7

Dipasangap angka pardibanua ginjang do Ho, jana dihabiari sian sude na adong humaliang Ho.

MASMUR 9:1

Sian sasude roha hudok tarimakasi tu Ho, Tuhan. Giot paboaonku ma angka pambaenanMu na pahomangkon roha.