MASMUR 110:4 - BIBEL JAMITA NA DENGGAN

⁴ Madung marsumpa Tuhan, nada tarihonNia be mangulahi, “Ho do malim salolot-lolotna, mangihutkon aturan ni si Melkisedek.”

MASMUR 110:4 ပူးပေါင်းရင်းမြစ်များ

PAMUNGKAAN 14:18

Ro ma si Melkisedek raja ni Salem, malim ni Debata Na Gumincat i muse do ia, maroban roti dohot anggur di si Abram,

MASMUR 132:11

Mardongan sumpa do dijanjihon Ho tu si Daud, jana nada tarihonMu be janjiMi mangulahi. NingMu do, “Sada sian anakmu baenonKu gabe raja; ia ma manggontihon ho marhabangsa.

ZAKARIA 6:13

Ia ma da halakna na giot mambangun Bagas Ni Tuhan jana na manjagit hasangapan songon sada raja, jana mamarenta ma ia tu rayatnia i. Adong ma sada malim na gabe dongan pangalambunginia jana denggan do halahi rap saparkarejoan jana di bagasan dame.’

BILANGAN 23:19

Nada dos Debata dohot jolma na ringgas margabus, na momo muba pikiranna. Muda dung Dijanjihon Debata, sudena pasti Dipatulussa! Muda Ia mangkuling, sude angkon tarjadi!

IBRANI 5:6

Di na asing didok Debata muse do, “Gabe Malim ma Ho salolot-lolotna, mangihutkon horong ni Malim Melkisedek.”

IBRANI 6:20

Madung ditotas Jesus dalan sibolusonta tusi, jana madung masuk Ia tusi songon Malim Godang di hita salolot-lolotna, di bagasan horong ni Malim Melkisedek.

IBRANI 7:11

Antong, sugari sura madung ro hasanggaman i markite-hite hamalimon ni halak levi – angke di toru hamalimon ni halahi do dijagit halak na bahat Tona i – aha dope he gunana dipabangkit Malim Godang mangihutkon aturan ni si Melkisedek, jana nada nidok mangihutkon aturan ni si Harun?

IBRANI 7:17

Angke taringot tuSia didok, “Malim do Ho ro di salolot ni lolotna, mangihutkon aturan ni si Melkisedek.”

IBRANI 7:21

Tapi anggo Ia mamake sumpa do i di na niangkat Ia gabe Malim, di na nidok ni Debata tuSia, “Madung marsumpa Tuhan, jana na so ubaonNia be di na nidokNia i, ‘Ho do Malim salolot-lolotna.’ ”

IBRANI 7:28

Angka halak na so sanggam do na niangkat ni angka Tona ni ugamo Jahudi gabe Malim Godang. Tapi di pudi ni angka Tona i, dibaen Debata ma janji mardongan sumpa, diangkat Ia do gabe Malim Godang, Anak na sanggam i ro di salolot-lolotna.

HALUMBAAN 1:6

Madung dibaen Ia do hita gabe sada harajaan anso laing gabe malim hita na markarejo di Debata AmaNa i. DiSia ma hasangapan dohot kuaso ro disalolot ni lolotna. Amen!