MASMUR 110:3 - BIBEL JAMITA NA DENGGAN

³ Di ari haroromu mardongan kuaso maju ma rayatmu sian na nionjar ni rohana mardongan habadiaan. Songon ombun manyogot-nyogot marroan angka doli-doli mandapotkon ho.

MASMUR 110:3 ပူးပေါင်းရင်းမြစ်များ

1 JUJUR TAON 16:29

Puji ma goarNa na marmulia. Oban ma haul tu bagasan ingananNa. Baen ma rohamu gabe hapunjunganNia. Dompak marsomba ho tuSia.

NEHEMIA 11:2

Adong do sian tonga-tonga ni halahi na rela totop di Jerusalem jana dipuji rayat i do halahi.

MASMUR 29:2

Puji hamu ma goar ni Tuhan Na Marmulia i marsomba ma hamu tu Tuhan mardongankon habadiaan.

MASMUR 96:9

Somba hamu ma Tuhan marhite habadiaan, humitir ma di adopanNia, ale sandok tano on!

JEHESKIEL 43:12

On ma tanda hasurungan ni Bagas Na Badia: Sude tano na humaliang i na di puncu ni dolok i, na sun do badiana.”

MIKA 5:6

Halak Israel na teba i, gabe songon ombun na lambok ma i sian Tuhan maradopkon angka bangso na bahat, jana songon parro ni udan tu suan-suanan. Marpangunsandean ma halahi tu Debata, jana nada be tu jolma.

BAENON NI ANGKA RASUL 1:8

Tapi jagitonmunu ma kuaso muda dung ro Tondi Parbadia tu hamu. Jana gabe saksingKu ma hamu di Jerusalem, di sude Luat Judea, di Samaria lopus tu ujung ni tano on.”

BAENON NI ANGKA RASUL 19:20

Angka songon i ma pardalanna gabe mur rarat hata ni Tuhan i jana mur markuaso.

BAENON NI ANGKA RASUL 2:33

Dipatuginjang do Ia tu inganan ditangan siamun ni Debata, laing dijagit Ia ma sian Ama i Tondi Parbadia na dung nijanjihon hian. Tondi i ma na niusehon saonnari tu hami, jana i ma na nibege dohot na niidamunu angka dongan saonnari.

BAENON NI ANGKA RASUL 2:41

Bahat do halak na porsaya tu na nidok ni si Petrus i, jana tardidi ma halahi. Gabe martamba ma bilangan ni na porsaya di na sadari i, tolu ribu halak.

BAENON NI ANGKA RASUL 21:20

Dung dibege halahi na nipajojor ni si Paulus i, gabe sude ma halahi mamuji Debata. Dung i didok halahi ma tu si Paulus, “Dongannami si Paulus! Angkon botoonmu do na dung marribu-ribu do halak Jahudi na porsaya. Burju-burju do halahi sudena mangoloi Tona i.

BAENON NI ANGKA RASUL 4:4

Tapi anggo angka na dung umbege pangajaran ni angka rasul i, bahat do na porsaya. Gabe martamba ma bilangan ni halahi jabat adong hira-hira lima ribu halak.

2 KORINTUS 13:4

Nian anggo dompak na niparsilangkon i Ia, gale do Ia tutu, hape anggo saonnari mangolu do Ia hara ni kuaso ni Debata. Hami pe gale do di bagasan Ia, tapi angkon mangolu do hami rap dohot Ia salaho tu hamu hara ni kuaso ni Debata.

2 KORINTUS 8:12

Muda ringgas do rohamunu marsilehen-lehen, jagiton ni Debata do silehen-lehenmunu i marguru tu sinadonganmunu, nada marguru tu na soadamunu.

2 KORINTUS 8:16

Tarimakasi do hami dok tu Debata hara ni na dung mangalehen ringgas ni roha tu si Titus gabe songon hami laho mangurupi hamu!

EPESUS 1:4

Dompak so dijadihon dope portibi on, madung ditodo Debata hian hita markite-hite Kristus anso gabe Debata sandiri nampuna hita jana na so martihas di adopanNia. Hara ni holong ni roha ni Debata,

PILIPPI 2:13

angke Debata sandiri do na markarejo di bagasan dirimunu, na mambaen hamu gabe ra jana sanggup pasonangkon roha ni Debata.

1 TESSALONIKA 4:7

Dipio Debata pe hita, nada anso hodar ngolunta, tapi anso badia do ngolunta i.

TITUS 2:14

Madung dihaulkon Ia diriNia hara ni hita laho paluahon hita sian hajahatan sudena, jana dibaen Ia hita gabe bangso hapunjunganNia, jana na ringgas mambaen na denggan.

IBRANI 13:21

Sai dipasingkop Debata mual ni hasonangan i ma hamu di sasude na denggan i na porlu di hamu laho patuluskon hagiot ni rohaNia. Sai dibaen Debata ma di hita sanga aha giot ni rohaNia markite-hite Jesus Kristus. Tarpuji ma Jesus salolot-lolotna! Amen.

HALUMBAAN 7:9

Dung i manaili muse dope au, gabe huida ma jolma na marlagut na lobi bahatna – sahalak pe nada adong tarbaensa mangetong i! I ma angka jolma sian ganop bangso, marga, negara dohot bahasa. Mamake baju juba na bontar ma halahi, maniop mare-mare di tanganna be, jongjong ma halahi sude adop habangsa i dohot adop Anak Ni Biri-biri i.

HAKIM-HAKIM 5:2

Puji Tuhan! Marsumpa do Israel laho marjuang; sian ias ni rohana kehe rayat i marporang.

HAKIM-HAKIM 5:9

Hamu angka panglima Israel, hupasangap do hamu. Puji Tuhan! Sian jop ni rohana dilehen halahi dirina gabe haul.