MASMUR 110:1 - BIBEL JAMITA NA DENGGAN

¹ Didok Tuhan do tu tuanku, “Juguk ma ho di siamunKu, lopus tu na Hubaen angka musumu gabe sidege-degean ni patmu.”

MASMUR 110:1 ပူးပေါင်းရင်းမြစ်များ

1 JUJUR TAON 28:2

Jongjong ma si Daud di jolo ni halahi mandok hata, ning ia ma, “Hamu angka dongan sabangsongku, marsitangi-tangian ma hita jolo! Madung honok di bagasan rohangku laho pajongjong sada bagas batu inganan ni Poti Parjanjian i, sidegean ni pat ni Tuhan Debatanta. Madung hupasingkop na hasaya laho pajongjong sada bagas inganan parsombaan tuSia.

MASMUR 109:20

O Tuhan, dabu ma uhuman i tu musungku, tu halak na mandok hata na jat tu au.

MASMUR 8:1

O Tuhan, Tuhannami, tarbarita do kuasoMu di sude portibi! HagodanganMu lalu do tu banua ginjang di langit,

MASMUR 8:6

Dilehen Ho disia kuaso maradopkon na nitompaMu, madung dipatunduk Ho tusia sasude na adong.

ZAKARIA 6:13

Ia ma da halakna na giot mambangun Bagas Ni Tuhan jana na manjagit hasangapan songon sada raja, jana mamarenta ma ia tu rayatnia i. Adong ma sada malim na gabe dongan pangalambunginia jana denggan do halahi rap saparkarejoan jana di bagasan dame.’

MATEUS 26:64

Dialusi Jesus ma, “Tutu. Tapi ingot hamu ma: Mamungka saonnari idaonmunu ma Anak Ni Jolma i juguk di siamun ni Na Markuaso i. Dung i ro ma Ia di ginjang ombun na di langit an!”

MARKUS 16:19

Dung sidung Jesus mandok hata tu halahi, manaek ma Jesus tu banua ginjang. Juguk ma Ia disi, di siamun ni Debata.

LUKAS 22:41

Dung i dipadao Ia ma saotik sian halahi, hira-hira sandanggur batu daona, marsinggang ma Ia martangiang,

1 KORINTUS 15:25

Mamarenta ma Kristus lopus sude musuNia i tunduk tuSia baenon ni Debata.

KOLOSSE 3:1

Madung dipangolu hamu mangulahi rap dohot Kristus. Hara ni i angkon marusaho be ma hamu anso dapot hamu angka pangalaho na di banua ginjang, di inganan ni Kristus juguk di siamun ni Debata.

IBRANI 1:13

Nada jungada didok Debata songon on tu angka surusuruanNia, “Juguk ma Ho di siamunKu, lopus Hubaen angka musuMu gabe si degean ni patMu.”

IBRANI 1:3

Ia do sinondang hasangapan ni Debata, jana Ia do gambaran ni Debata sandiri dohot na mangasahon sasude markite-hite hataNia na gok kuaso. Dung sidung dipaias Ia jolma sian angka dosa ni halahi, juguk ma Ia di siamun ni Na Sun Margogo i di banua ginjang.

IBRANI 12:2

Tu Jesus ma tatatap, na manogu-nogu hita di bagasan haporsayaan, jana na maroban haporsayaanta i tu hasanggaman. Ditaonkon Ia do mate di hayu parsilang gonti ni jop ni roha na dung diparade diSia, jana juguk do Ia nuaeng di siamun ni habangsa ni Debata.

IBRANI 8:1

Impola ni sude na tahatai on, songon on ma: Adong do di hita Malim Godang na songon i, na juguk di siamun ni habangsa ni Debata Na Gumodang i di banua ginjang.

1 PETRUS 3:22

jana madung manaek Ia tu banua ginjang. Saonnari markuaso ma Ia rap dohot Debata jana mamarenta tu sude surusuruan, tu sude parkuaso dohot tu sude angka hagogoon di pangalaho partondion.