MASMUR 11:4 - BIBEL JAMITA NA DENGGAN

⁴ Maringanan Tuhan di BagasNa na badia, marhabangsa di banua ginjang do Ia. Angka jolma i sai dipaligi-ligiSa, sude karejo ni halahi diboto Ia.

MASMUR 11:4 ပူးပေါင်းရင်းမြစ်များ

1 JUJUR TAON 17:5

Mamungka sian na Hupalua halak Israel sian tano Mesir lalu tu saonnari, na so jungada dope Huingani sada bagas, tapi torus sajo do Au mangadangi jana tinggal di sada bandar.

2 JUJUR TAON 16:9

Dijagoi Tuhan do sandok portibi on jana dipatuduhon Ia do hagogooanNia tu angka jolma na setia tuSia. Di pambaenanmi dipataridahon ho do ho na bodo, patunda ni i, mamungka saonnari sai marpupu noma ho mangalami parporangan.”

JOB 24:23

Dilehen Debata disia ngolu na sonang i, tapi nada marnamantak ia dimatai.

MASMUR 103:19

Mamarenta do Tuhan di banua ginjang, Ia do raja na mamarenta sasudena.

MASMUR 113:5

Ise ma na songon Tuhan Debatanta? Di inganan na gincat do Ia marhabangsa.

MASMUR 139:23

Tangkasi ma au ale Debata, jana dodo ma rohangku; uji ma au jana tandai ma pikiranku.

MASMUR 14:2

Sian banua ginjang ditatap Tuhan i do jolma, manjalaki na bisuk na ra manyomba Ia.

MASMUR 18:6

Di na tarsosak au hupiohon Tuhan, mangkuling tu Debata mangido partolongan. Sian BagasNa do Tuhan manangihon, dibege Ia sorangku mangido pangurupion.

MASMUR 2:4

Hape dipartatai Debata na marhabangsa di banua ginjang do i jana dipalayas sangkap ni halahi.

MASMUR 33:13

Manatap do Tuhan sian banua ginjang, diida Ia ma sude jolma manusia.

MASMUR 44:21

pasti diboto Ho do i, angke didodo Ho do sibunian ni roha.

MASMUR 66:7

Marhite hagogoon mamarenta Ia salolot-lolotna. Dimatai Ia angka bangso anso ulang lobas pangalo i palalu rohana tuSia.

MASMUR 9:11

Debata na mamarenta di Sion, Ia do sipujion! Paboa ma pambaenanNia tu sude bangso.

PODA 15:3

Diida Tuhan do sudena na tarjadi di sude inganan; diparrohahon Ia do sudena na denggan dohot na jat.

JESAYA 66:1

Songon on do pandok ni Tuhan, “Langit do habangsangKu, jana portibi sidegean ni patKu. Jadi bagas na tarbia ma he na giot bangunonMu di Au, jana inganan na tarbia ma he na giot baenonmu parmiananKu?

JEREMIA 17:10

Au do Tuhan na mandodo roha; Huuji do ate-ate ni jolma. BaloskononKu do tu ganop hombar tu pangalahona; jana Hubaen hombar tu pambaenanna.”

JEREMIA 23:24

Sahalak pe nada adong na tarbaen buni sian parnidaanKu. Angke di sude inganan do Au adong: Di banua ginjang sanga di tano on.

MIKA 1:2

Tangihon hamu ma, ale angka bangso! Parrohahon ma, ale angka na mangingani tano! Masuk do Tuhan Debata tu paruhuman gabe saksi mangalo hamu sudena! Tangihon ma Ia mandok hata sian bagasNia Na Badia i.

HABAKUK 2:20

Di bagasan Bagasna na badia i do Tuhan; sai maringanan di jolonia ma nian jolma na satano on.

ZAKARIA 2:13

Maringanan ma hamu sudena di jolo ni Tuhan! Angke madung ro Ia antong sian inganan parmiananNia na badia i.

MATEUS 23:21

Sanga muda marsumpa halak mangasahon Bagas Ni Debata, sarupa do i dohot na marsumpa mangasahon Debata na maringanan disi.

MATEUS 5:34

Tapi saonnari Au mandok tu hamu: Bagi na bia pe, ulang ho marsumpa. Ulang ho marsumpa markite-hite langit. Harana inganan hasangapan ni Debata do langit.

BAENON NI ANGKA RASUL 7:49

‘Langit do habangsa sijuguhanKu jana tano on sidegean ni patKu. Bagas aha ma he na giot pajongjongonmu di Au? Di dia ma he inganan na giot paradiananKu?

2 TESSALONIKA 2:4

Sian ginjang ni rohana, mangalo ma ia jana pagincat diri di ginjang ni sude na nisomba ni jolma, sanga pe sude na nipardebata ni jolma. Salang Bagas Ni Debata pe juguhannia do jana baenonnia ma boa-boa tu halak na bahat sudena, mandok ia sandiri do Debata.

IBRANI 4:13

Umpe sada sian na nitompa i na buni, na so niida ni Debata. Talak do sudena jana patar di joloNia. Jana angkon lehenonta do tuSia partanggungjawabanta.

HALUMBAAN 4:2

Manigor digohi Tondi Parbadia ma au. Huida ma di banua ginjang i sada habangsa. Adong do halak na juguk di habangsa i.