MASMUR 11:1 - BIBEL JAMITA NA DENGGAN

¹ Tu Tuhan i do au maronding-onding; nada parguna adong mandok tu au, “Palua ma dirimu songon unggas na habang tu dolok adu.”

MASMUR 11:1 ပူးပေါင်းရင်းမြစ်များ

2 JUJUR TAON 14:11

Jadi martangiang ma si Asa tu Tuhan Debatania, “Tuhan, hum Ho do na tarbaen mangurupi na gale maradopkon na gogo. Urupi ma hami saonnari, ale Tuhan Debatanami! Marpangunsandean tu Ho do hami jana mangasahon goarMu haruar ma hami marporang mangalo pasukan na santak bahat on. Tuhan, Ho do Debatanami. Ulang ma padiar diriMu ditaluhon sada jolma.”

2 JUJUR TAON 16:8

Nada he lakna martentara na bahat Sudan dohot Libia mardongan kareta porang dohot tentara na markudo bage? Haru pe songon i dilehen Tuhan do hamonangan di ho maradopkon halahi, dibaen marpangunsandean ho tuSia.

NEHEMIA 6:11

Tapi hualusi ma, “Anggo au, nada huhagioti na maporus. Diambang ho ma lakna na giot palua diri au muda masuk martabuni di Bagas Ni Tuhan? Nada, nada ra au!”

MASMUR 16:1

Jagohon ma au, ale Debata, tu Ho do au maronding-onding.

MASMUR 25:2

o Tuhan, Ho do haposan ni rohangku! Ulang padiar dipaila au, jana disurahi angka musungku.

MASMUR 31:14

Tapi anggo au, laing tu Ho do ale Tuhan pos ni rohangku, angke Ho do antong Debatangku.

MASMUR 56:11

Mararop roha tu Debata do au, nada mabiar au, nada tarkahua jolma au.

MASMUR 7:1

O Tuhan Debatangku Ho do onding-ondingku. Palua ma hosangku sian halak na mangayak au.

MASMUR 7:2

Ulang ma padiar songon singa halahi manyoro au; pola disuak-suak au, lalu disarat, dipadiar so adong na mangurupi.

MASMUR 9:10

Halak na mananda Ho, mararop ni roha tu Ho Tuhan, halak na mangalului Ho nada ra Ho maninggalkon.

PODA 6:5

Palua ma ho sian tirangkap i songon unggas sanga hije na paluahon dirina sian na marburu.

JEREMIA 48:14

Biasi didokkon halaklahi ni Moab, ‘Na gogo do hami, tentara na barani na dung tammat di bagasan parporangan?’

LUKAS 13:31

Laing di hatiha i, adong ma marroan angka halak Parise tu Jesus, mandok, “Ulang Ho maringanan dison! Morot ma Ho tu inganan na asing, angke giot bunuon ni si Herodes ma Ho.”

1 SAMUEL 19:11

Laing di borngin i disuru si Saul ma piga-piga halak tu bagas ni si Daud laho manjago dohot laho mamunu si Daud manyogotna i. Tapi didok si Mikal dadaborunia i ma tusia, “Muda nada kehe ho borngin on, ancogot manyogot bunuonna ma ho.”

1 SAMUEL 20:38

Pahipas saotik, ulang ho lalap!” Dijomput dakdanak i ma pana i jana didapotkon ia tuannia i.

1 SAMUEL 22:3

Kehe ma si Daud sian liang i tu Mispa na di Moab jana didok ia ma tu raja na di Luat Moab, “Paloas ma jolo damang dohot dainang tinggal rap dohot ho lopus huboto sanga aha maksud ni Debata salaho tu au.”

1 SAMUEL 23:14

Dung i maringanan di liang ni dolok na di Parhorsihan Zip noma si Daud, disi ma ia martabuni. Sai marpupu do ia dikojar si Saul, tapi nada dipasahat Tuhan ia tu raja i.

1 SAMUEL 27:1

Marpikir ma si Daud di bagasan rohania, “Bagi na bia pe, di sada hatiha angkon laing bunuon ni si Saul noma au. Jadi nada adong be dalan na asing di au sian na maporus tu tano ni halak Pilistin. I noma mangantak si Saul manjalahi au di Israel jana gabe malua au.”