MASMUR 109:5 - BIBEL JAMITA NA DENGGAN

⁵ Hajahaton do dibaen halahi balos ni hadenggananku, jana goyak ni roha balos ni holong ni rohangku.

MASMUR 109:5 ပူးပေါင်းရင်းမြစ်များ

PAMUNGKAAN 44:4

Dompak so sadia dao dope halahi sian kota i, didok si Josep ma tu kapala ni pangisi ni bagasnia i, “Ompoti jolo kojar halahi. Muda dung dapot, dok ma tu halahi, ‘Biasi dibaen hamu na jat balos ni na denggan?

2 SAMUEL 15:12

Jadi dompak na manghaulkon haul si Absalom, laing disuru ia muse ma utusan tu kota Gilo laho marpio si Ahitofel, i ma sada sian panuturi ni Raja Daud. Jadi songon i ma antong mur margogo parkumpulan laho mangalo raja i jana mur mabahat ma angka na mangihut tu si Absalom.

2 SAMUEL 15:31

Di na dipaboa tu si Daud na dohot muse si Ahitofel rap dohot si Absalom, martangiang ma si Daud, songon on, “O ale Tuhan, sugari disundati Ho ma nian sipaingot ni si Ahitofel!”

MASMUR 38:20

Hajahatan do dibaen halahi balos ni hadengganan, jana dimusu halahi au, hara ni na huparayak na denggan.

PODA 17:13

Sanga ise na mambalos hadengganan dohot na jat, sian bagasna pe nada morot be na jat.

JEREMIA 18:20

Patut ma he baloskonon hadengganan dohot hajahatan? Hape madung dihuar halahi godung anso madabu au tu bagasan. Ingot ma na dung huondihon halahi di adopanMu anso ulang muruk Ho tu halahi.

LUKAS 6:16

si Judas anak ni si Jakobus dohot si Judas Iskariot na manghianat i.

JOHANNES 13:18

“Nada tu hamu sudena na Hudokkon on. Huboto do sanga ise na dung Hupili. Tapi angkon laing tarjadi do sanga aha na tarsurat di Buku Na Badia i; songon on do tarsurat disi, ‘Sanga ise na mangan rap dohot Au, i ma ibana na giot mangalo Au.’

1 SAMUEL 19:5

Ma pola martaru hosa ia di na mamunu si Goliat, jana dilehen Tuhan do hamonangan na godang tu Israel markite-hite ia. Diida amang sandiri do na masa i, jana jop do roha ni amang di hatiha i. Jadi biasi ma saonnari giot pusaon ni amang halak na so marsala i jana giot bunuon ni amang si Daud so adong harana?”