MASMUR 109:22 - BIBEL JAMITA NA DENGGAN

²² Angke na pogos do au boti na dangol, jana rohangku pe marsingotngot.

MASMUR 109:22 ပူးပေါင်းရင်းမြစ်များ

2 RAJA-RAJA 4:27

Tapi disi lalu di jolo ni si Elisa, marsomba ma ia jana dihaol ia ma pat ni si Elisa. Sai giot diantahi ni si Gehasi do nian anso ulang disi ia, tapi didok si Elisa ma, “Padiar ma! Marsak do ia idaon. Tapi nada adong boa-boa ni Tuhan tu au!”

JOB 6:4

Hona tombus ni anak ni pana do pamatangku dibaen Pargogo Na Sumurung i. Manyarira rasunna i tu sude pamatang i. Na sun jebu ni Debata tarlobi sogen sihabiaran, jana manjombai iba songon dia ma parro ni musu marparangan.

MASMUR 102:4

Hona pukul ate-atengku songon duhut na hiang, nada lalu au be mangan.

MASMUR 109:16

Angke antong nada jungada diingot halahi, laho patuduhon holong ni roha. Diparhanciti do halak na pogos dohot na dangol, dibunu halahi do halak na so margogo.

MASMUR 22:6

Nada jolma au, tapi goya do, diincahi halak jana dipacia-cia do.

MASMUR 25:16

Tatap ma au, jana ibo ma rohamu mida au, Tuhan, angke gale do au jana punjung so mardongan.

MASMUR 40:17

Na gale do au on jana na pogos, ale Tuhan, hape diparrohahon Ho do au. Ho do na mangurupi dohot na paluahon au, tibu ma Ho ro, ale Debatangku!

MASMUR 86:1

Tangihon ma tangiangku ale Tuhan, alusi ma au, dibaen pogos jana gale do au.

JESAYA 53:3

Dipasiding halak ia jana dipalayas, halak na somal marhancit do ia jana na mardangol, na layas sajo do ia, lopus ditutup halak bohina maradopkon ia, jana di hita pe nada masuk etongan ia.

MATEUS 8:20

Dialusi Jesus ma, “Marliang do sorigala, marasar do angka unggas, tapi anggo Anak Ni Jolma i, i ma suruan ni Debata, nada adong inganan hapayahan ni uluNia.”

LUKAS 22:44

Mabiar situtu do Jesus, gabe mur marsitutu ma Ia na martangiang i. Songon mudar noma hodokNia manetehi tu tano i.]

JOHANNES 12:27

“Songon na marsak do rohangKu saonnari. Aha do na giot sidohononKu? DohononKu do, ‘O Amang ulang ma padiar Au mamolus partinaonan on!’ Hape nian laho manaon partinaonan on do umbaen na ro Au.

2 KORINTUS 8:9

Angke tangkas do diboto hamu, holong situtu do roha ni Jesus Kristus Tuhanta i maradopkon hita. Na mora do Ia nian, tapi gabe marpogos do Ia hara ni hamu, anso mamora hamu hara ni hapogosonNia i.