MASMUR 109:20 - BIBEL JAMITA NA DENGGAN

²⁰ O Tuhan, dabu ma uhuman i tu musungku, tu halak na mandok hata na jat tu au.

MASMUR 109:20 ပူးပေါင်းရင်းမြစ်များ

2 SAMUEL 17:23

Dung diida si Ahitofel na so diihutkon hatania i, dipasang ia ma palano ni halodenia, lalu mulak ma ia tu kotania sandiri. Dung dipasidung ia sude urusannia, manyingkot ma ia lalu ditanom di kuburan ni halahi sahorong.

2 SAMUEL 18:32

Disapai raja i ma tusia, “Horas do si Absalom na doli i?” Dung i dialusi naposo i ma, “Padiar ma, sude musu ni raja i, sude halak na mambaen paraloan tu raja i, sarupa do bagianna dohot anak na jeges i.”

1 RAJA-RAJA 2:44

Tangkas do diboto ho sude hajahatanmu tu damang. Hara ni i uhuman ni Tuhan ma ho

MASMUR 110:1

Didok Tuhan do tu tuanku, “Juguk ma ho di siamunKu, lopus tu na Hubaen angka musumu gabe sidege-degean ni patmu.”

MASMUR 2:12

Ulang jabat Tuhan gabe muruk, jana manigor hona pusa hamu, harana manigor mura do ro murukNa. Martua ma halak na marlinggom di Tuhan i!

MASMUR 71:10

dibaen martahi do angka musungku salaho tu au, marsaroha do angka halak na sai giot mamunu au.

MASMUR 94:23

Diuhum Ho do halak na jahat hara ni hajahatanna, dipangabis Ho do halahi hara ni dosana. Tuhan Debatanta giot patimpaskon halahi.

MATEUS 11:19

Madung ro Anak Ni Jolma i – na mangan dohot na minum, jadi didok halahi, ‘Ligi ma jolo Bayo i! Na songkalan, hum na minum, didongan-dongani Ia angka sijagit pajak dohot angka pardosa.’ Tapi haru pe songon i, na bisuk do Debata. Tarida do habisuhonNia i sian angka pambaenanNia.”

MATEUS 12:24

Dung dibege halak Parise songon i, ninna halahi ma, “Nada dipaisir Ia angka setan ia so markite-hite si Beelsebul kapala ni setan i.”

MARKUS 9:39

Tapi didok Jesus ma, “Ulang pola antahi hamu ia. Angke anggo halak na baru mambaen hahomangan mamake goarKu, inda ra ia manigor santongkin i mangkobari na jat taringot tu Au.

LUKAS 19:27

Jana oban hamu ma tuson angka musungku na so ra manjagit au gabe raja ni halahi. Sambol hamu ma halahi di jolongku!’ ”

1 KORINTUS 12:3

Hara ni i hupabotohon ma tu hamu anggo halak na dipimpin ni Tondi Parbadia nada tardok halahi, “Sai hona bura ma Jesus!” Laing songon i muse nada adong sahalak pe na malo mandok, “Jesus do Tuhan!” anggo inda digohi Tondi Parbadia halakna i.

2 TIMOTEUS 4:14

Si Aleksander tukang tumbaga i, madung bahat dibaen ia na jahat tu au. Baloskonon ni Tuhan ma tusia hombar tu pangalahonia i.