MASMUR 109:16 - BIBEL JAMITA NA DENGGAN

¹⁶ Angke antong nada jungada diingot halahi, laho patuduhon holong ni roha. Diparhanciti do halak na pogos dohot na dangol, dibunu halahi do halak na so margogo.

MASMUR 109:16 ပူးပေါင်းရင်းမြစ်များ

PAMUNGKAAN 42:21

Jadi mangkatai ma halahi sama halahi, “Bia do saonnari, mangae ma hita balos ni hasalaanta na tabaen maradopkon angginta na salpu i, taida do sanga na bia dangolna dihilala ia na mangido tolong ia tu hita, hape nada taampirkon. Hara ni i do umbaen na dangol taononta saonnari.”

MASMUR 10:14

Tapi ale Debata diida Ho do parkancitannami, jana tontu do tolonganMu hami. Halak na so margogo pasahatkon tu Ho dirina sudena, Ho do na mangurupi na so marama so marina.

MASMUR 10:2

Mardongan jungkat halak na jahat i mamparkanciti na dangol; padiar ma hara ni hajahatanna gabe halahi manaon.

MASMUR 34:18

Donok do Tuhan tu halak na mandele, dipalua Ia do halak na manderse rohana.

MASMUR 37:14

Manyintak podang parjahat i jana manarik sior laho mamunu na pogos dohot na dangol, laho pamatehon halak parroha sisangunjur.

MASMUR 37:32

Anggo parjahat sai na mangintip do i tu halak na denggan, jana manjalahi haputusan laho mamunusa.

MATEUS 5:7

Martua ma angka na marasi ni roha, dibaen dapotan asi ni roha do muse halahi.

JAKOBUS 2:13

Angke sanga ise halak na so maribo ni roha tu halak na asing, sidabuon do uhuman tusi so pola mardongan ibo ni roha. Tapi gumogo dope ibo ni roha ulang uhuman!