MASMUR 109:13 - BIBEL JAMITA NA DENGGAN

¹³ Sai dirampas hamatean i ma sude pomparanna, jana dihalupahon sundut na mangihut goarna.

MASMUR 109:13 ပူးပေါင်းရင်းမြစ်များ

1 RAJA-RAJA 16:11

Disi gabe raja si Zimri manigor dibunu ia do sude sabagas ni si Baesa lopus tu koum sisolkotna dohot ale-ale ni si Baesa sude nada adong na malua.

JOB 18:17

Nada adong be na manandasa di kota dohot di balian; umpe sahalak be na marningot di goarna.

JOB 18:19

Anak soada, pomparan pe so bagi aha be; di hutana sandiri pe kahanggi nada adong be.

MASMUR 21:10

Nada adong na tading sian pomparan ni halahi, giot bunuon ni raja sude halahi.

MASMUR 21:11

Dibaen halahi tahi mangalo raja, tapi sangkap ni halahi na jahat i nada marguna.

MASMUR 37:28

Dibaen holong do roha ni Tuhan mida hatigoran; nada padiaronNa bangsoNa i marhancit. Sai hot do disarihon Ia halak na nihaholonganNia, hape anggo pomparan ni parjahat paorotonNia.

PODA 10:7

Marrumang pasupasu do halak na burju diparningotan, tapi halak na jahat ompot do dihalupahon.

JEREMIA 22:30

“Na dung ditontuhon do jolma i agoan angka dakdanakna jana sai lus di bagasan ngoluna. Sian pomparanna nada adong na marhasil mamarenta di Juda songon raja sian pomparan ni si Daud. Au Tuhan, madung mandok songon i.”

BILANGAN 27:4

Biasi gabe mago goarnia sian bangso Israel, hum hara ni na so adong pomparannia halaklahi? Pangidoannami, lehen ma tano pusako di hami dos dohot kahanggi ni amangnami i.”

PANGARATAION 25:19

Jadi hara ni i, muda dung dilehen Tuhan Debatamunu tano i tu hamu, jana dung aman hamu sian sasude musu na maringanan humaliang hamu, angkon bunuonmunu do sude halak Amalek i lopus nada ingoton ni sanga ise be halahi. Ulang hamu lupa disi!”

PANGARATAION 29:20

Nada ra Tuhan mangampuni jolma na songon i. Tapi rimas ni Tuhan na marpiar-piar do manutung halakna i jana ampe ma sude parmaraan na tarsurat di bagasan buku on tusia, lopus abis ia baenon ni Tuhan.

PANGARATAION 9:14

Ulang cubo mangambati Au. Giot pusaonKu halahi lopus sahalak pe nada adong be na marningot halahi. Tapi anggo ho baenonKu ma gabe ama ni sada bangso na gumodang jana na gumogo sian halahi.’

1 SAMUEL 3:13

Na dung Hupaboa do tusia na giot uhumanKu horongnia sapanjangna hara ni na dipalayas ni anaknia Au. Diboto si Eli do pangalaho ni halahi, hape nada dimuruhi ia halahi.