MASMUR 108:6 - BIBEL JAMITA NA DENGGAN

⁶ Marhite kuasoMu, palua ma hami, tangihon ma tangiangku palua ma halak na nihaholonganMi.

MASMUR 108:6 ပူးပေါင်းရင်းမြစ်များ

2 SAMUEL 12:25

jana disuru Tuhan ma Panurirang Natan mambaen goar ni dakdanak i si Jediya, angke holong do roha ni Tuhan antong disia.

1 RAJA-RAJA 18:24

Padiar ma ditangianghon angka panurirang ni Baal i tu debata ni halahi, jana au pe martangiang ma tu Tuhan. Na mangalusi dohot na marsuru api – i ma ibana Debata.” Marsurak ma sude rayat i mangalusi, “Satuju!”

1 RAJA-RAJA 18:26

Jadi dipili halahi ma sada lombu jana dihobasi halahi. Dung sidung, martangiang ma halahi tu Baal lopus tonga ari laing marsurahi ma halahi, “Alusi hami, o Baal!” Di na mambaen songon i, laing torus-torus do halahi manortori humaliang langgatan na nibaen ni halahi i. Hape nada adong maralus bagi aha.

1 RAJA-RAJA 18:29

Songon i sajo ma halahi lopus potang ari songon dia ma jolma na susur-susuran; hape nada adong na mangalusi, nada adong na mampardulihon.

MASMUR 54:1

Ale Debata, palua ma au hara ni kuasoMu, lehen ma hatigoran tu au hara ni hagogoonMu.

MASMUR 57:6

Ditaon musungku do jorgong tu au, digohi biar do rohangku. Dihuar halahi do godung di dalanku, hapengani halahi sandiri tu bagasan madabu.

HARURUAR 15:6

Tangan siamunMi ale Tuhan, tung na so tarpatudos hagogoanna, tangan siamunMi ale Tuhan mangaropuk angka musu.

JESAYA 65:24

Jadi andorang so pio-pio halahi, madung Hualusi; hatiha manghobari halahi, madung Hubege.

JEREMIA 33:3

“Pio-pio ma ho tu Au, jadi gabe alusanKu ma; giot paboaonKu tu ho angka pangalaho na jeges-jeges jana na pahomang roha na so diboto ho dope.

MATEUS 17:5

Dompak na mandok hata i si Petrus, dihaliangi ombun na torang situtu ma halahi. Dung i adong ma sada sora sian ombun i na mandok, “On ma AnakKu na Huhaholongi, na pasonangkon rohangKu. Tangihon hamu ma Ia!”

MATEUS 3:17

Dung i tarbege ma sora sian langit na mandok, “On do AnakKu Na Huhaholongi, jop do rohangKu mida Ia.”

SURAT NI SI PAULUS TU PARLAGUTAN ROM 1:7

Tu hamu sude na di Rom, na nihaholongan ni Debata, na nipio jana dibaen gabe halak na badia: Asi ni roha ma di hamu dohot hasonangan na sian Debata Amanta dohot sian Tuhan Jesus Kristus.

EPESUS 1:6

Pinuji ma Debata hara ni hadengganan ni rohaNia na songon i godang na nipabotohonNia tu hita mardapot-dapot markite-hite Anak haholonganNia i.

PANGARATAION 33:12

Salaho tu Marga Benyamin didok ia: “On ma marga hasudungan marga na nihaholongan ni Tuhan. Dijagohon Ia do i borngin dohot arian di antara ni dolokNia halahi maringanan.”

KOLOSSE 3:12

Antong hamu angka na dung dipuldit ni Debata, na diparbadia i jana na dihaholonginNia, pake hamu ma ibo ni roha, habasaron, toruk ni roha, lambok ni roha dohot hapohomon.