MASMUR 108:11 - BIBEL JAMITA NA DENGGAN

¹¹ Na so dohot do Ho ale Debata rap dohot hami? Na so dohot do Ho maju rap dohot hami?

MASMUR 108:11 ပူးပေါင်းရင်းမြစ်များ

2 JUJUR TAON 13:12

Debata sandiri do anggo pamimpinnami jana dison do angka malimNia. Ma pola rade halahi laho mangombus sarune songon tandana di hami laho mamorangi hamu. O, hamu halak Israel, ulang alo hamu Tuhan, Debata ni ompumunu! Nada bolas monang hamu!”

2 JUJUR TAON 14:11

Jadi martangiang ma si Asa tu Tuhan Debatania, “Tuhan, hum Ho do na tarbaen mangurupi na gale maradopkon na gogo. Urupi ma hami saonnari, ale Tuhan Debatanami! Marpangunsandean tu Ho do hami jana mangasahon goarMu haruar ma hami marporang mangalo pasukan na santak bahat on. Tuhan, Ho do Debatanami. Ulang ma padiar diriMu ditaluhon sada jolma.”

2 JUJUR TAON 20:15

jana mandok hata ma ia, “Daulat rajanami, maradu angka kahanggi sasudena. Pandok ni Tuhan, nada tola hamu mandele sanga mabiar mida tentara na bahat i. Angke nada hamu na marporang, tapi Debata do.

MASMUR 44:9

Hape saonnari ditadingkon Ho do hami, dipadiar Ho hami ditaluhon halahi. Nada be Ho maju rap dohot hami.

BILANGAN 10:9

Muda dompak marporang hamu di luatmunu laho mampartahankon diri hara ni haroro ni musu, palu ma sarune i paboa marporang. Angke Au do Tuhan Debatamu na mangurupi jana palua hamu sian musumunu.

1 SAMUEL 17:26

Dung i marsapa ma ia tu angka halak na jongjong donok tusia, “Aha ma he upa sijagiton ni halak na mamunu halak Pilistin i dohot na manyesa habilean sian Israel?” Ise do lakna halak Pilistin si pelebegu on na barani mangalapi tentara ni Debata na mangolu i.

1 SAMUEL 17:36

Na dung hubunu do singa sanga pe gompul, jana sarupa ma bagian ni halak Pilistin si pelebegu i songon angka binatang i, dibaen na dung barani ia mangalo-alo tu tentara ni Debata na mangolu i.